Rabočyja ŭ Pieru znajšli na budoŭli mumii chłopčyka i žančyny, jakija pralažali ŭ ziamli kala tysiačy hadoŭ
U stalicy Pieru — Limie — archieołahi zrabili redkuju znachodku prosta na miescy budaŭničych rabot. Pry prakładcy hazapravoda rabočyja natknulisia na čałaviečyja pareštki ŭsiaho na paŭmietra pad ziamloj.
Jak vyśvietliłasia, heta dźvie mumii, što pralažali tam kala tysiačy hadoŭ — chłopčyka 10—15 hadoŭ i maładoj žančyny va ŭzroście ad 20 da 30 hadoŭ. Pachavańni adnosiacca da dainkskaj epochi, piša BILD.
Znachodki byli zrobleny ŭ roznych miescach adnaho rajona, dzie raniej znachodzilisia sielskahaspadarčyja pali. Žančyna była znojdziena «ŭ siadziačym stanoviščy, z sahnutymi rukami i nahami, zahornutaja ŭ pachavalnaje pałatno».
Jak patłumačyŭ dekan Kaledža archieołahaŭ Pieru Piter Van Dalen, na ŭźbiarežžy krainy, u tym liku pobač ź Limaj, časta sustrakajucca staražytnyja pachavańni.
«Asabliva heta datyčycca mumifikavanych ciełaŭ, jakija abo vysušany naturalnym čynam u pustyni, abo apracavany pavodle kulturnaj tradycyi — zvyčajna ŭ siadziačym stanoviščy, z rukami kala tvaru», — dadaŭ jon.
Śpiecyjalisty ličać, što znojdzienyja mumii adnosiacca da kultury Čankaj, jakaja isnavała pamiž 1000 i 1470 hadami našaj ery.
-
«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ
-
Ryanair i Finnair pryznali najhoršymi avijakampanijami Jeŭropy
-
U Vałahodskaj vobłaści RF most abrynuŭsia pad viernikami prosta padčas chresnaha chodu
Ciapier čytajuć
Dačka Nadziei Jermakovaj pastaŭlaje rybu ŭ kałonii, balnicy i siłavikam6
Kamientary