Chłopcu z Bresta niama i 15-ci, a ŭ jaho ŭžo 52-hi pamier nahi i rost bolš za 2 mietry

Vychavaniec bresckaha baskietboła hulaje na pazicyi forvarda i aproč vialikaj stupni vyłučajecca siarod adnahodkaŭ rostam.

Voś fota z najlepšymi baskietbalistami pieršynstva junakoŭ 2009-2010 hoda naradžeńnia ŭ Homieli ŭ krasaviku. Tam Illa vystupaŭ za kamandu Bresckaj vobłaści i trapiŭ u simvaličnuju piaciorku turnira.

Pavialičyć

A voś kadr z «finału čatyroch» čempijanatu Biełarusi ŭ toj ža ŭzrostavaj katehoryi ŭ traŭni. Tut Švied vystupaŭ užo za «Pryniamońnie» z Hrodna, kudy pierabraŭsia vosieńniu 2024 hoda, i byŭ pryznany samym vynikovym baskietbalistam u spabornictvie, u jakim jaho kamanda stała pieramožcam.

Pavialičyć

Jašče Švied vystupaje za zbornuju Biełarusi U-16 (tak, u niapoŭnyja 15) — i tam, kali vieryć vačam, jon samy vysoki.

Pavialičyć

Mahčyma, dzieści ŭ Biełarusi i adšukajecca bolšy junijor, ale mienavita Švied užo ciapier moža pachvalicca debiutam u darosłym čempijanacie Biełarusi: 10 matčaŭ u siezonie-2024/25 i 20 punktaŭ u składzie «Hrodna-93-HrDU» — heta moładzievaja kamanda pieramožcy apošniaha ČB «Hrodna-93», jakaja zaniała ahulnaje 7-je miesca ŭ apošnim turniry (tak, junaki hulajuć razam z darosłymi).

Praz dośvied na darosłym uzroŭni rost Švieda adlustravany na sajcie BFB. I ciapier my viedajem, što habarytami jon vyłučajecca nie tolki siarod adnahodkaŭ: ažno 203 santymietry — heta najvialikšy pakazčyk u moładzievaj kamandzie «Hrodna-93». Bližejšyja «pieraśledvalniki» Kirył Tkačenka i Dźmitryj Navumienka mienšyja na 1 sm, ale jany starejšyja: pieršamu 16 hadoŭ, druhomu 21.

Kali ž padsumavać źviestki pa ŭsich kamandach z taho ž sajta BFB, to ŭ svaje 14 Švied nižejšy tolki za dzieviaciarych baskietbalistaŭ čempijanatu Biełarusi. Vyšejšyja za maładoha bieraściejca šaściora suajčyńnikaŭ (siarod ich dva adnakłubniki z asnovy «Hrodna-93») i try lehijaniery. Usie jany na niekalki hadoŭ, a to i nie na adno dziesiacihodździe starejšyja za Švieda:

• Uładzisłaŭ Maroz («Minsk», forvard, biełarus, 24 hady) — 210 sm;
• Hleb Bihun («Minsk», forvard, biełarus, 21 hod) — 209 sm;
• Mikita Ščurat («Baryśfien», forvard, rasijanin, 22 hady) — 209 sm;
• Kirył Vinakuraŭ («Hrodna-93», centravy, biełarus, 25 hadoŭ) — 207 sm;
• Kanstancin Pasko («Minsk», forvard, biełarus, 22 hady) — 206 sm;
• Žael Bandamba («Homielskija rysi», centravy, kanhaleziec, 22 hady) — 205 sm;
• Nikoła Džuryč («Hrodna-93», centravy, sierb, 34 hady) — 204 sm;
• Nazar Farchadaŭ (RCAP-SDzJuŠAR, razyhryvajučy, biełarus, 19 hadoŭ) — 204 sm;
• Anton Vaškievič («Impuls-BDUIR», centravy, biełarus, 31 hod) — 204 sm.

Z kim jašče možna paraŭnać Švieda? Vysokich lubiać u valejbole. Naprykład, u salihorskim «Šachciory» adrazu ŭ šaścioch jon vyšejšy, čym u Švieda. Samyja vysokija — 26-hadovy biełaruski dyjahanalny Piatro Miniankoŭ i 27-hadovy rasijski centralny błakavalnik Kirył Kranin — pa 210 santymietraŭ.

Pavialičyć

Možna mierkavać, što ŭžo ciapier Švied uvachodzić u pieralik samych vysokich spartsmienaŭ Biełarusi — a jamu tolki-tolki spoŭnicca 15. Cikava, da jakoha pakazčyka chłopiec daraście.

• 0
• 0
• 0
• 0
• 0
• 0
• 0
• 0