Syrski paprasiŭ Trampa dapamahčy Ukrainie pieranieści vajnu na terytoryju Rasii
«Jany [rasijanie] naceleny praktyčna na ŭsio — aeradromy, nasielenyja punkty, abjekty infrastruktury. Tamu, viadoma, nam patrebnyja pastaŭki balistyčnych rakiet, kab mieć mahčymaść dać praciŭniku hodny adpor», — skazaŭ Hałoŭnakamandujučy USU.
Hałoŭnakamandujučy Uzbrojenymi siłami Ukrainy Alaksandr Syrski ŭ intervju haziecie The Washington Post, apublikavanym 23 lipienia, zaklikaŭ ZŠA i Jeŭropu pastavić ukrainskim vajskoŭcam dalnabojnyja rakiety i dazvolić vykarystoŭvać ich suprać Rasiei.
Pavodle Syrskaha, kali Ukraina atrymaje vialikuju kolkaść rakiet siaredniaj i vialikaj dalokaści, uklučajučy amierykanskija ATACMS i niamieckija Taurus, to USU zmohuć zapavolić vytvorčaść rasijskaj zbroi, atakujučy rasijskija pradpryjemstvy pa vytvorčaści rakiet i bieśpiłotnikaŭ.
«Jany [rasijanie] nacelenyja praktyčna na ŭsio — aeradromy, nasielenyja punkty, abjekty infrastruktury. Tamu, viadoma, nam patrebnyja pastaŭki balistyčnych rakiet, kab mieć mahčymaść dać praciŭniku hodny adpor. Najaŭnaść luboj rakietnaj zbroi samo pa sabie strymlivajučy faktar. Ja spadziajusia, što dziakujučy pazicyi prezidenta Trampa hety praces budzie značna praściejšy i… u nas nie budzie tych ciažkaściej, jakija byli raniej», — zajaviŭ Syrski.
Hałoŭkom USU admoviŭsia kamientavać, ci zastalisia va Ukrainy ŭ zapasie rakiety ATACMS. Pry hetym Syrski skazaŭ, što Ukrainie brakuje 155-mm artyleryjskich snaradaŭ i bronietechniki.
«U nas jość vysokamatyvavanyja i mužnyja sałdaty, jakija mohuć ruchacca napierad, ale im patrebny sučasnyja i nadziejnyja srodki achovy», — dadaŭ jon.
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary
Poprošajka.
Prosit, prosit:
Daj-ka,
Daj-ka,
Daj kusočiek pirožka,
Daj hłotočiek mołoka,
Połkotletki,
Połsosiski,
Połkonfietki,
Połriediski,
Połriezinki,
Poł-liniejki,
Połkartinki,
Połkopiejki.
Samuił Maršak