Сырскі папрасіў Трампа дапамагчы Украіне перанесці вайну на тэрыторыю Расіі
«Яны [расіяне] нацэлены практычна на ўсё — аэрадромы, населеныя пункты, аб’екты інфраструктуры. Таму, вядома, нам патрэбныя пастаўкі балістычных ракет, каб мець магчымасць даць праціўніку годны адпор», — сказаў Галоўнакамандуючы УСУ.
Галоўнакамандуючы Узброенымі сіламі Украіны Аляксандр Сырскі ў інтэрв’ю газеце The Washington Post, апублікаваным 23 ліпеня, заклікаў ЗША і Еўропу паставіць украінскім вайскоўцам дальнабойныя ракеты і дазволіць выкарыстоўваць іх супраць Расеі.
Паводле Сырскага, калі Украіна атрымае вялікую колькасць ракет сярэдняй і вялікай далёкасці, уключаючы амерыканскія ATACMS і нямецкія Taurus, то УСУ змогуць запаволіць вытворчасць расійскай зброі, атакуючы расійскія прадпрыемствы па вытворчасці ракет і беспілотнікаў.
«Яны [расіяне] нацэленыя практычна на ўсё — аэрадромы, населеныя пункты, аб’екты інфраструктуры. Таму, вядома, нам патрэбныя пастаўкі балістычных ракет, каб мець магчымасць даць праціўніку годны адпор. Наяўнасць любой ракетнай зброі само па сабе стрымліваючы фактар. Я спадзяюся, што дзякуючы пазіцыі прэзідэнта Трампа гэты працэс будзе значна прасцейшы і… у нас не будзе тых цяжкасцей, якія былі раней», — заявіў Сырскі.
Галоўком УСУ адмовіўся каментаваць, ці засталіся ва Украіны ў запасе ракеты ATACMS. Пры гэтым Сырскі сказаў, што Украіне бракуе 155-мм артылерыйскіх снарадаў і бронетэхнікі.
«У нас ёсць высокаматываваныя і мужныя салдаты, якія могуць рухацца наперад, але ім патрэбны сучасныя і надзейныя сродкі аховы», — дадаў ён.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку27
Каментары
Попрошайка.
Просит, просит:
Дай-ка,
Дай-ка,
Дай кусочек пирожка,
Дай глоточек молока,
Полкотлетки,
Полсосиски,
Полконфетки,
Полредиски,
Полрезинки,
Пол-линейки,
Полкартинки,
Полкопейки.
Самуил Маршак