Сезон працягнецца да 7 снежня.
«Асноўнай лакацыяй у сталіцы застанецца «Чыжоўка-Арэна», таксама на працягу ўсяго сезона сельскагаспадарчыя кірмашы будуць праходзіць каля Палаца спорту. Будзем задзейнічаць выходныя — 20 і 21 верасня, а затым яшчэ ў кастрычніку і лістападзе. Правядзенне кірмашу каля Палаца спорту абумоўлена неабходнасцю забяспечыць даступнасць продажу гародніны айчыннай вытворчасці гэтага сезона для жыхароў Цэнтральнага раёна. Для іх кірмаш, які праводзіцца раёнам, размешчаны дастаткова далёка ад месца пражывання», — расказала начальнік галоўнага ўпраўлення гандлю і паслуг Мінгарвыканкама Алена Нагорная.
Кірмашы выхаднога дня пройдуць 20 і 21 верасня на дзвюх пляцоўках у Мінску.
На пляцоўцы каля Палаца спорту (пр. Пераможцаў, 4) будуць задзейнічаны 11 арганізацый спажывецкай кааперацыі з усіх рэгіёнаў краіны. Агульная працягласць гандлёвых радоў кааператараў перавысіць 80 м.
У выязным кірмашовым гандлі на пляцоўцы каля «Чыжоўка-Арэны» (вул. Ташкенцкая, 19) прымуць удзел восем райпа і філіялаў з чатырох абласцей. Агульная працягласць гандлёвых радоў арганізацый спажывецкай кааперацыі перавысіць 50 м.
У гэтым сезоне таксама каля 100 сельскагаспадарчых кірмашоў пройдзе ў Мінскай вобласці. Яны пачынаюць працу сёння і працягнуцца да 1 лістапада з улікам умоў надвор’я.
Згодна з графікам, 4 кастрычніка рэгіянальны кірмаш пройдзе ў Барысаве, Бараўлянах і Маладзечне, 5 кастрычніка — у Нясвіжы, 11 кастрычніка — у Вілейцы і Салігорску, 18 кастрычніка — у Жодзіне і Слуцку.
Цяпер чытаюць
Сталі вядомыя новыя дэталі ў маштабнай справе арганізатараў канцэртаў2
Каментары