U Małdovie prachodziać parłamienckija vybary, vyznačalnyja dla kursa krainy
U niadzielu, 28 vieraśnia, u Małdovie startavali parłamienckija vybary, vyniki jakich mohuć vyznačyć, ci zastaniecca kraina na prazachodnim kursie, ci paviernie da Maskvy. Na fonie abvinavačańniaŭ u rasijskim umiašańni vybary nabyvajuć asablivuju vahu, piša «Jeŭrapiejskaja praŭda».
28 vieraśnia ŭ 7:00 vybarčyja ŭčastki adkrylisia na terytoryi Małdovy i buduć pracavać da 21:00.
Hramadzianie Małdovy buduć vybirać 101 deputata na 4 hady. U vybarach udzielničajuć 14 partyj, 4 vybarčyja błoki i 4 niezaležnyja kandydaty.
Prachadny barjer dla partyj składaje 5%, dla błokaŭ — 7%, dla niezaležnych kandydataŭ — 2%.
Na hetych vybarach upieršyniu dziejničaje opcyja paštovaha hałasavańnia dla hramadzian Małdovy ŭ 10 krainach. Usiaho za miažoj — 301 učastak u 41 krainie. Papiarednija vybary pakazali, što pieravažnaja bolšaść dyjaspary padtrymlivaje prazachodni kurs krainy, tamu hałasy hetych vybarščykaŭ nadzvyčaj važnyja dla partyi ŭłady «Dziejańnie i salidarnaść».
Dla hramadzian z Prydniastroŭja, jakija pieravažna padtrymlivajuć prarasijskija siły, adkrylisia 12 učastkaŭ na pravabiarežžy Dniastra. Miescaznachodžańnie niekalkich takich učastkaŭ źmianili ŭ apošni momant, patłumačyŭšy heta mierkavańniami biaśpieki.
Pierad hetym ułada niepryznanaha Prydniastroŭja taksama abvinavaciła Kišynioŭ u «pravakacyi» ŭ suviazi z ramontam usich siami mastoŭ praz Dniestr, što taksama moža pieraškodzić dajezdu vybarščykaŭ.
U svaju čarhu prezident Maja Sandu i ŭrad zajaŭlajuć, što čakajuć maštabnych sprob Rasii paŭpłyvać na vybary z metaj pryvieści da ŭłady «siabroŭskija» siły i sarvać jeŭraintehracyju Małdovy.
Ahienctva Bloomberg raniej pisała pra rasijski płan upłyvu na vybary ŭ Małdovie, BBC apublikavała rasśledavańnie pra dezinfarmacyju ŭ Małdovie pierad vybarami za hrošy z Rasii, a Reuters — pra toje, jak pravasłaŭnych śviataroŭ z Małdovy sistemna zaprašali ŭ ščodryja pałomnickija turne ŭ Maskvu i zatym prapanoŭvali hrošy ŭ abmien na prapahandu ŭ intaresach Kramla siarod svaich prychadžan.
Čaho čakaje Polšča ad Minska i ci zakryje znoŭ miažu na hetym tydni?26
Kamientary
Vmiesto sozdanija sobstviennoho, silnoho i niezavisimoho hosudarstva osnovannoho na učiotie intieriesov vsiech hraždan, učityvaja priejemstviennosť pokolenij i staryje śviazi po-kłaśsikie hosudarstva byvšieho SSSR (kotoryje połučili sovriemiennyje tierritorii avansom v znak družby s Rośsijej) nie mohut provodiť samostojatielnyj kurs. U nich libo jevrokołchoz libo raška. Hłavnyj vyhodopołučatiel v licie priedsiedatiela CK DPIES kotoromu ni Ukraina, ni Biełaruś ni tiem boleje Mołdova nie nužny. Im nužna antirośsija. A ziŝaŝať ich dołžny SŠA, kotoryje nie znajut pro suŝiestvovanije etoho maleńkoho hosudarstva. Pamiať im pootšibało. Zabyli kto oni takije, točnieje čto oni nikto. Vassalnoje hosudarstvo. Vot i vidimo po hiennoj privyčkie miedom bolšie namazali tam. Tiezis podtvierždajetsia vyskazyvanijem prodvinutych i tolerantnych. Vsie kto protiv - ahienty kriemla. Strach upravlajet stadom i boleje napuhannyje biehut k urnam. Somnievajuś čto russkije prosto tak ostaviat russkich v Pridniestrov́je. S druhoj tiem i intierieśnieje nabludať