Sanae Takaičy abrana staršynioj Libieralna-demakratyčnaj partyi Japonii.
64‑hadovaja palityk pieramahła svajho supiernika Sindzira Kajzumi, u druhim tury vybaraŭ kiraŭnika ŁDP, piša The Guardian.
Takaičy, mahčyma, stanie pieršaj žančynaj —premjer-ministram Japonii.
Kali kandydataŭ na lidarstva ŭ kirujučaj Libieralna-demakratyčnaj partyi Japonii zaprasili padčas debataŭ skazać niekalki słoŭ pa-anhlijsku, Sanae Takaičy zrabiła svoj vystup karotkim: «Japan is back».
U adroźnieńnie ad mnohich jaje niadaŭnich papiarednikaŭ, Takaičy nie maje harantyi zaniać pasadu premjera, kali parłamient źbiarecca 15 kastryčnika. ŁDP i jaje małodšy kaalicyjny partnior Kamejta stracili bolšaści ŭ abiedźviuch pałatach za apošni hod i buduć vymušanyja abapiracca na hałasy apazicyi dla zaćviardžeńnia Takaičy — chacia naziralniki ličać, što heta praktyčna harantavana.
Sanae Takaičy nazyvaje Marharet Tetčer svajoj natchnialnicaj
Chto b ni staŭ nastupnym premjeram Japonii, jamu daviadziecca pieraadolvać ciažkaści.
Takaičy maje ideałahičnuju suviaź z byłym premjeram Sindza Abe, jaki byŭ zabity ŭ 2022 hodzie, i padzialaje jaho revizijanisckija pohlady na pavodziny Japonii ŭ časy vajny — pazicyja, jakaja moža vyklikać napružanaść z susiedziami Japonii.
Jana raniej uznačalvała Ministerstva ŭnutranych spraŭ i pajšła na vybary z ekspansijanisckaj ekanamičnaj prahramaj. Takaičy taksama vystupała za pierahlad handlovaj damovy z Trampam. Jana prapanoŭvała pierahledzieć kanstytucyju krainy, zaklučyć «kvazisajuz biaśpieki» z Tajvaniem.
-
Tramp zajaviŭ, što jon «u niejkim sensie» pryniaŭ rašeńnie nakont pastavak Ukrainie rakiet Tomahawk
-
Sud u Haazie pryznaŭ vinavatym u vajennych złačynstvach u Darfury kolišniaha lidara sudanskaha apałčeńnia
-
Amal tysiača rasijskich vajskoŭcaŭ, jakija pryjšli z vajny, stali fihurantami spraŭ ab zabojstvach
Kamientary
tetčer abdzialiła samych biezabaronnych, to bok tolki što naradziŭšych žančyn
vot eto primier dla podražanija