U Maskvie zatrymali kiroŭcu, jaki jeździŭ na biełaruskich numarach ź ličbaj «dzieviać»
Rasijskaja dziaržaŭtainśpiekcyja apieratyŭna adreahavała na infarmacyju ad kaleh ź Biełarusi, što pa Maskvie moža ruchacca krasovier z padroblenymi rehistracyjnymi znakami, padobnymi na biełaruskija.
Supracoŭniki vyjavili aŭtamabil i spynili jaho na Jarasłaŭskaj šašy, paviedamlaje pres-słužba MUS.
Za rulom znachodziŭsia žychar Maskvy 1972 hoda naradžeńnia. U dačynieńni da jaho składzieny pratakoły ab administracyjnych pravaparušeńniach pa art. 12.2 i 12.6 KaAP RF. Padroblenyja rehistracyjnyja znaki kanfiskavany.
Kiroŭcu pahražaje pazbaŭleńnie prava kiravańnia transpartnymi srodkami na termin ad šaści miesiacaŭ da hoda.
Dniami ŭ internecie źjaviłasia videa, źniataje ŭ Maskvie. Na im byŭ aŭtamabil ź ličbaj «dzieviać» na biełaruskich numarach.
Aŭtar rolika źviarnuŭ uvahu na niezvyčajnuju detal — ličbu 9 naprykancy dziaržnumara, jakaja abaznačaje rehijon rehistracyi, takoha ŭ Biełarusi niama.
U pres-słužbie MUS prakamientavali situacyju: «Ministerstva ŭnutranych spraŭ aficyjna zajaŭlaje: u našaj krainie nie vydajucca rehistracyjnyja znaki transpartnych srodkaŭ z kodam rehijona «9». Nahadajem: padrobka rehistracyjnaha (numarnoha) znaka transpartnaha srodku z metaj ekspłuatacyi abo zbytu transpartnaha srodku ciahnie za saboj kryminalnuju adkaznaść».
Taksama paviedamlałasia, što rabotnikami DAI adpraŭlena adpaviednaja infarmacyja kaleham u Rasiju dla reahavańnia.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary