7 kastryčnika 2025 hoda ŭ stalicy Ałbanii, Tyranie, adbyŭsia trahičny vypadak — padčas sudovaha słuchańnia abvinavačany zastreliŭ sudździu, paviedamlaje Euronews.
Incydent adbyŭsia ŭ apielacyjnym sudzie padčas razhladu majomasnaj spravy. Pavodle infarmacyi palicyi, 30‑hadovy mužčyna adkryŭ ahoń pa sudździ. Toj byŭ terminova dastaŭleny ŭ balnicu, ale vyratavać jaho nie ŭdałosia.
Akramia sudździ, paranienyja byli jašče dvoje ŭdzielnikaŭ pasiadžeńnia — baćka i syn. Jany znachodziacca ŭ balnicy, ich žyćciu ničoha nie pahražaje.
Palicyja paviedamiła, što napadnik byŭ zatrymany adrazu paśla stralaniny. Razam ź im zatrymali jahonaha dziadźku i sudovaha achoŭnika. Vyśvietliłasia, što achoŭnik nie pravioŭ asabisty ahlad abvinavačanaha i jaho svajaka, choć mietaładetektar pry ŭvachodzie spracavaŭ.
Pavodle infarmacyi miascovych ŚMI, mužčyna adkryŭ ahoń, bo viedaŭ, što prajhraje spravu.
Paśla trahiedyi premjer-ministr Ałbanii Edzi Rama nazvaŭ zdareńnie «žachlivym aktam» i zaklikaŭ uzmacnić adkaznaść za złačynstvy z užyvańniem zbroi. Jon adznačyŭ, što napad na sudździu patrabuje «maksimalna strohaj jurydyčnaj reakcyi».
Prezident Ałbanii Bajram Biehaj taksama asudziŭ napad, nazvaŭšy jaho «žudasnaj atakaj na ŭsiu sudovuju sistemu krainy».
Kalehi zabitaha sudździ ŭšanavali jaho pamiać, uskłaŭšy kvietki na miescy trahiedyi ŭ Tyranie.
Ciapier čytajuć
Homielskuju sudździu, jakaja adpracavała 25 hadoŭ i zajmałasia palityčnymi spravami, vyhnali za sistematyčnyja dyscyplinarnyja parušeńni9
Kamientary