Palitźniavolenamu anarchistu Alaksandru Kaźlanku dadali novy termin
Pra toje, što palitźniavolenaha anarchista Alaksandru Kaźlanku sudzili nanoŭ i dadali jamu da raniejšaha terminu 1,5 hoda pazbaŭleńnia voli, paviedamiŭ telehram-kanał «AČK-Biełaruś».
Kaźlanku dniami asudzili pavodle č. 2 art. 411 KK nibyta za złosnaje niepadparadkavańnie patrabavańniam administracyi kałonii ŭ Navapołacku.
Jamu dadali jašče 1,5 hoda da 6‑hadovaha terminu pa spravie ab «mižnarodnaj złačynnaj arhanizacyi anarchistaŭ».
Alaksandr Kaźlanka — aktyvist z Bresta, člen «Svabodnaha prafsajuza». Raniej jaho nieadnarazova zatrymlivali za ŭdzieł u akcyjach pratestu — u tym liku suprać budaŭnictva akumulatarnaha zavoda i suprać «dekreta ab darmajedach» u 2017 hodzie. 2 sakavika 2021 hoda da jaho pryjšli z vobšukam, paśla čaho zatrymali.
Suprać Kaźlanki zaviali kryminalnyja spravy pavodle artykułaŭ 342 (arhanizacyja abo aktyŭny ŭdzieł u hrupavych dziejańniach, što hruba parušajuć hramadski paradak) i častki 2 artykuła 285 (stvareńnie złačynnaj arhanizacyi abo ŭdzieł u joj) Kryminalnaha kodeksa. Asnovaj abvinavačańnia pa art. 342 staŭ epizod z 2018 hoda, kali 5 maja anarchisty ŭ Breście pierakryli try pałasy trasy M1, pratestujučy suprać budaŭnictva zavoda AKB. Adnak znajomyja Koźlanki śćviardžajuć, što jon u hetaj akcyi ŭdziełu nie prymaŭ.
6 vieraśnia 2022 hoda sud prysudziŭ Alaksandra Kaźlanku da šaści hadoŭ kałonii ŭzmocnienaha režymu i štrafu ŭ pamiery 500 bazavych vieličyń.
94 hady na ŭsich — vyniesieny dziki prysud pa spravie «Revalucyjnaha dziejańnia»
Razhledzieli apielacyi palitviaźniaŭ pa spravie «Revalucyjnaha dziejańnia». Terminy niekatorych, u tym liku Marfy Rabkovaj, skaracili na try miesiacy
My identyfikavali adnaho z hubazikaŭcaŭ, jaki zapisvaje videa z zatrymanymi. Što pra jaho viadoma?
Kamientary