Kali za aknom pachmurna i chałodna, a ŭ šafie — tolki šeryja i karyčnievyja rečy, jość adzin prosty sposab viarnuć sabie žyćciovy tonus. Dadajcie krychu čyrvonaha. Jak porcyja vostraha piercu, čyrvony trykataž moža ažyvić navat samy niejtralny vobraz.
Nie abaviazkova kuplać darahija brendy. Dastatkova zvyčajnaha śvitara, kardyhana abo šalika — hałoŭnaje, kab jon byŭ čyrvony. Hety nievialiki akcent zdolny ažyvić samy zvyčajny ŭbor. U sacyjalnych sietkach i fešn-miedyja papularnyja navat «teoryja niečakanaha čyrvonaha» i «teoryja čyrvonych škarpetak».
Z čym spałučać
Čyrvony dobra spałučajecca z džynsami, karyčnievymi štanami, šerym palito ci zvyčajnaj biełaj kašulaj.
Jak adznačajuć dyzajniery, dabaŭleńnie ŭ vobraz adnaho jarkaha čyrvonaha viazanaha elemienta imhnienna robić uvieś ansambl bolš cikavym, modnym i enierhičnym.
Najlepš čyrvony trykataž spałučajecca z bazavymi, niejtralnymi kolerami (šery, čorny, bež, bieły, denim).
Čyrvony koler vystupaje ŭ jakaści mocnaha, ale lohkaha akcentu, jaki padymaje nastroj, padobna čyrvonaj pamadzie.
«Čyrvony prymušaje sercy bicca chutčej, a ŭpeŭnienaść raście. Jon mahutny, haračy i, viercie ci nie, navat maje hajučuju enierhiju. Pravilnaje adcieńnie čyrvonaha prymušaje ludziej adčuvać siabie haspadarom situacyi»,
— adznačaje Rejčał Sonders, suzasnavalnica kansultacyjnaj kampanii pa kolery i styli Red Leopard u intervju The Telegraph.
Jak abrać i nasić
Sonders raić pry vybary adcieńnia čyrvonaha ŭličvać koler skury:
— kali vaša skura bolš śvietłaja abo maje błakitna-ružavaje adcieńnie — pasprabujcie ciopły čyrvona-aranžavy;
— kali bolš smuhłaja abo maje załacistaje adcieńnie — lepš vybirać chaładnavatyja višniovyja i bardovyja.
Zrazumieła, mnohaje zaležyć ad taho, jak vy nosicie hety koler.
Samy prosty varyjant — niezašpileny kardyhan pavierch biełaj majki i džynsaŭ. Majka raźbivaje jarki koler i robić ubrańnie bolš lohkim.
Kali chočacie bolš śmieły vobraz, abiarycie abjomny śvitar jarka-pamidornaha adcieńnia — cudoŭna hladzicca z karyčnievymi štanami. Jarki džempier dobra spałučajecca ź ciomnymi džynsami, a nasyčany čyrvony koler vyhladaje šykoŭna z karyčnievymi šyrokimi štanami-«bočkami» i kłasičnymi kaściumami.
Kali chočacca tolki nievialikaha akcentu, abiarycie šalik, šapku ci palčatki.
Čyrvony śvitar možna i nie apranać — dastatkova paviazać jaho na plečy abo na pojas, kab zrabić ubrańnie bolš žyvym.
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi29
Kamientary
Moža spačatku što-niebudź zrobicie, kab vyjšła taja ž Kaleśnikava, jakaja chadziła ŭ biełym adzieńni i z čyrvonym šalikam, jak vy rekamiendujecie?