«Biełavija» padklučyłasia da rasijskaj sistemy avijacyjnaj suviazi
Biełaruskaja avijakampanija «Biełavija» stała pieršaj zamiežnaj avijakampanijaj, jakaja padklučyłasia da rasijskaj sistemy ličbavaj avijacyjnaj suviazi «bort—ziamla» (ACARS), raspracavanaj kampanijaj «Infakam-Avija» pry padtrymcy dziaržkarparacyi «Rastech».
Damovu na kamiercyjnaje vykarystańnie servisu padpisali «Infakam-Avija» (častka avijakampanii «Azimut») i «Biełavija».
Sistema ACARS była stvorana jak alternatyva zamiežnym anałaham, što stali niedastupnyja z-za sankcyj. Dla pracy sistemy była arhanizavanaja sietka naziemnych stancyj pa asnoŭnych maršrutach i centr apracoŭki danych na terytoryi Rasii.
Sistema dazvalaje ŭ realnym časie pieradavać z samalota ŭ centr kiravańnia avijakampanii techničnyja danyja i infarmacyju dla ekipaža, uklučajučy mietearałahičnyja prahnozy i instrukcyi.
Kamandzir avijacyjnaha atrada «Biełavija» Oleh Sałtoŭski adznačyŭ, što śpiecyjalisty avijakampanii ŭžo aktyŭna karystajucca ACARS. Sistema dazvalaje adsočvać stan samalota i jaho ahrehataŭ u palocie, apieratyŭna pieradavać ekipažam nieabchodnyja abmiežavańni i infarmacyju, što pavyšaje efiektyŭnaść palotaŭ, aščadžaje paliva i dazvalaje svoječasova arhanizavać techničnaje absłuhoŭvańnie paśla pryziamleńnia.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary