Na karupcyi złavili dyrektara Instytuta mašynabudavańnia Akademii navuk razam z namieśnikam i buchhałtaram
Kamitet dziaržaŭnaha kantrolu vyjaviŭ karupcyjnyja schiemy ŭ strukturach Nacyjanalnaj akademii navuk Biełarusi. Siarod fihurantaŭ — supracoŭniki, źviazanyja z raspracoŭkaj pieršaha ajčynnaha elektramabila, paviedamlaje STB.
Pavodle rasśledavańnia KDK, hienieralny dyrektar Instytuta mašynabudavańnia razam z namieśnikam, hałoŭnym buchhałtaram i hałoŭnym ekanamistam arhanizavali niezakonnuju vypłatu premij «davieranym» rabotnikam. Hetyja ludzi zdymali hrošy z kartak i pieradavali kiraŭnictvu, paśla čaho srodki dzialili pamiž čatyrma ŭdzielnikami schiemy. Pry hetym siaredni zarobak dyrektara składaŭ 10—11 tysiač rubloŭ, ale lvinuju dolu ŭsich «levych» srodkaŭ zabiraŭ sabie jahony namieśnik.
Proźviščy ŭ hetym paviedamleńni nie nazyvajucca, ale viadoma, što hienieralnym dyrektaram Abjadnanaha instytuta mašynabudavańnia NANB z 2014 hoda źjaŭlajecca Siarhiej Paddubka. Na sajcie ŭstanovy pryśviečanaja jamu staronka jość dahetul. Na joj siarod inšaha zhadvajecca, što 23 studzienia 2025 hoda Paddubka atrymaŭ padziaku ad kiraŭnika administracyi Łukašenki Dźmitryja Krutoha «za šmathadovuju dobrasumlennuju pracu, vysoki prafiesijanalizm, značnyja dasiahnieńni ŭ navukovaj i navukova-techničnaj dziejnaści i ŭ suviazi z Dniom biełaruskaj navuki».
Akramia taho, KDK vyjaviŭ u hetym instytucie fakty machlarstva pry zakupkach abstalavańnia — naprykład, patrabavali pavysić košt elektrabatarei, a taksama sprabavali realizavać padobnyja schiemy pry prajektach pa vadarodnych ustanoŭkach.
Karupcyjnyja epizody znajšli i ŭ inšych ustanovach NAN: dyrektar adnaho ź filijałaŭ pradpryjemstva centrabiežnaj techniki na praciahu niekalkich hadoŭ atrymlivaŭ adkaty ad rasijskich kampanij, a kiraŭnik hrodzienskaha instytuta źbiraŭ niezakonna naličanyja premii z padnačalenych. Taksama zafiksavanyja vypadki chabaru ŭ kiraŭnika dziciačaha azdaraŭlenčaha łahiera, jaki taksama padparadkoŭvajecca NANB.
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia
Zatrymany eks-kiraŭnik RRB-Banka Vital Drankievič, u minułym sam śledčy
Top-mieniedžar na Homielščynie, jaki ŭvachodziŭ u skład antykarupcyjnaj kamisii pradpryjemstva, asudžany za karupcyju
Kamientary