«Heta byŭ nie płan. Heta była kancepcyja», — skazaŭ prezident ZŠA.
Donald Tramp zajaviŭ, što mirny płan pa Ukrainie skaraciŭsia z 28 da 22 punktaŭ. Pra heta jon paviedamiŭ, razmaŭlajučy z žurnalistami na borcie prezidenckaha samalota Air Force One.
Žurnalisty paprasili Trampa prakamientavać zajavy niekatorych respublikancaŭ pra toje, što pieršapačatkovy płan z 28 punktaŭ byŭ zanadta «spryjalnym» dla Rasii.
«Heta byŭ nie płan. Heta była kancepcyja. I adtul jany ŭziali kožny z 28 punktaŭ, a zatym źviali da 22 punktaŭ. Pavodle mnohich ź ich było znojdzienaje rašeńnie, i nasamreč vielmi spryjalnaje. Pahladzim, što z hetaha vyjdzie», — skazaŭ Tramp.
Jon taksama zajaviŭ pra nieabchodnaść terytaryjalnych sastupak z boku Ukrainy, spasyłajučysia na prasoŭvańnie Rasii na froncie.
«Hladzicie, jak usio idzie: kali pahladzieć, usio ruchajecca ŭ adnym napramku na froncie. Tak što ŭ vyniku heta ziamla ŭ najbližejšyja niekalki miesiacaŭ moža i tak być zachoplena Rasijaj. Vy chočacie vajavać i stracić jašče 50—60 tysiač čałaviek? Ci chočacie zrabić niešta ciapier?» — skazaŭ prezident ZŠA.
Raniej paviedamlałasia, što pasłańnik prezidenta ZŠA Styŭ Uitkaf pryjedzie na nastupnym tydni ŭ Maskvu, kab sustrecca z Pucinym.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary
"21. Terytoryi: Ukraina abaviazvajecca nie viartać svaju akupavanuju suvierennuju terytoryju vajennymi srodkami. Pieramovy ab abmienie terytoryjami pačnucca ź linii sudakranańnia".
Uličvajučy prasoŭvańnie Rasii na froncie, Rasieja źbirajecca akupavać stolki terytoryj, kolki paśpieje da padpisańnia płana.
Płan Jeŭropy spryjaje rasiejskim metam, bo nie akreślivaje kankretnyja terytoryi, a prosta piša "akupavanuju". Na jaki momant akupavanuju, jakija kankretna terytoryi - ničoha ŭ płanie Jeŭropy niama. A heta značyć, Jeŭropa prapanuje Ukrainie addać Rasiei ŭsio, što jana nachapaje da momantu padpisańnia (jaki moža adbycca ŭ nieviadoma ŭ jakim hodzie) i admovicca viartać usio zachoplenaje vajennymi srodkami.
===
a moža j nia być zachoplena. A moža pierachodzić z ruk u ruki. A moža Kitaj (Iran, Pcheńjan) źmienšyć padtrymku Rasiei. A moža Ameryka (Brytanija, Polšča) źmienšyć padtrymku Ŭkrainy.
Karaciej, čarhovy budapešcki hidrant. A durni ŭkraincy, biełarusy dy kazachi addali realnuju jadravuju reč impercam z Trejciaha Rajchu=Trejciaha Rymu pad razvod dla naiŭnych ružovych poni, jakija dumali zaraz budziem žyć u miry, armiju skarocim, biaźjadziernaja zona.
Taki byŭ tady čas. Ludzi - haduncy savieckich materyjalistyčnych škołaŭ - zaradžali vadu z televizara, masava jšli da varažbitak, hadałak, paŭsiudna bačyli inšaplanecian i zdaniaŭ z taho śvietu j vieryli va ŭsio dobraje proci ŭsiaho lichoha. Biezumoŭna vieryć varta, ale dumać, što ŭvieś čas tak budzie...