Ukraina ličyć nadańnie Zachadam harantyj biaśpieki krajevuholnym kamieniem dla zaklučeńnia mirnaha pahadnieńnia z Rasijaj.
Dziaržsakratar ZŠA Marka Rubia pieradaŭ jeŭrapiejskim sajuźnikam, što Vašynhton pahodzicca dać Ukrainie jakija-niebudź harantyi biaśpieki tolki paśla taho, jak mirnaja ździełka budzie zaklučana. Pra heta piša ŭ sieradu, 26 listapada, anłajn-vydańnie Politico sa spasyłkaj na nienazvanaha jeŭrapiejskaha dypłamata i asobu, znajomuju ź źmiestam hetych pieramovaŭ.
Pavodle hetaj krynicy, takaja ŭmova źmiaščałasia ŭ prapanovach, pieradadzienych ZŠA Kijevu na minułym tydni.
Ukraina ličyć nadańnie Zachadam harantyj biaśpieki krajevuholnym kamieniem dla zaklučeńnia mirnaha pahadnieńnia z Rasijaj, nahadvaje vydańnie. Pry hetym prezident ZŠA Donald Tramp nibyta zajaviŭ, što «nie zaprosić ukrainskich lidaraŭ u Bieły dom», pakul ździełka nie budzie padpisanaja, havorycca dalej u publikacyi.
Pasyły, jakija zychodziać ad administracyi prezidenta ZŠA Donalda Trampa, «źjaŭlajucca šmatbakovymi», vynikaje z publikacyi. Tak, pavodle danych Politico, padčas telefonnaj razmovy ź jeŭrapiejskimi pradstaŭnikami 25 listapada Marka Rubia zajaviŭ, što harantyi biaśpieki dla Ukrainy źjaŭlajucca pryjarytetam dla administracyi Trampa i što jany abmiarkoŭvajucca asobna, pa-za inšymi pałažeńniami mirnaj ździełki, pa jakich užo była dasiahnutaja zhoda.
ZŠA chočuć chutka pryniać usie pałažeńni adzinym pakietam, pieradaje vydańnie słovy nienazvanaha jeŭrapiejskaha dypłamata.
Akramia taho, dziaržsakratar ZŠA ŭ razmovie ź jeŭrapiejcami ŭ ahulnych rysach zhadaŭ i inšyja pytańni, źviazanyja ź mirnym pahadnieńniem. Jany, pa słovach krynicy, datyčyli terytaryjalnaj cełasnaści Ukrainy i zamarožanych rasijskich aktyvaŭ.
«Niekatoryja jeŭrapiejskija krainy bajacca, što administracyja Trampa schilić šali ŭ bok Rasii», — havorycca ŭ publikacyi. «Ni słova pra pravy čałavieka, humanitarnaje prava, mižnarodnaje prava abo pryncypy. Heta stvaraje novuju architekturu jeŭrapiejskaj biaśpieki, poŭnuju dzirak», — cytujuć žurnalisty adnaho z dypłamataŭ.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary
Ci tranty?
Pośle połučienija podpisi Ukrainy, Ukraina budiet posłana, SŠA, lesom na vsie, čietyrie storony !