Siońnia projdzie losavańnie futbolnaha turniru Liha nacyj. Pačatak a 19‑j pa biełaruskim časie.
U adnosna novym turniry, jaki razyhryvajecca z 2018 hoda, jeŭrapiejskija zbornyja padzielenyja na čatyry dyvizijony-lihi ad A da D.
A — samy mocny, dzie hulajuć zbornyja ŭzroŭniu Anhlii, Bielhii, Hiermanii, Danii, Ispanii, Italii, Niderłandaŭ, Partuhalii, Uelsa, Francyi, Charvatyi dy inš).
Potym idzie B (Bośnija, Vienhryja, Hruzija, Kosava, Paŭnočnaja Irłandyja, Polšča, Rumynija, Słavienija, Šatłandyja, Šviecyja, Šviejcaryja dy inš), potym S i samy słaby dyvizijon D (Azierbajdžan, Andora, Hibrałtar, Łatvija, Litva, Lichtenštejn).
Zbornyja raźbivajucca na hrupy, pravodziać dvuchkruhavy turnir (šeść matčaŭ). Pieramožcy hrup vychodziać u vierchni dyvizijon, tyja, što prajhrajuć, apuskajucca nižej.
Biełarusy tryvała atabarylisia ŭ S. Nie samy słaby dyvizijon, ale ŭ mieru małacikavy.
Kamandy pierad losavańniem raźbityja na čatyry košyki:
pieršy košyk: Isłandyja, Ałbanija, Čarnahoryja, Kazachstan;
druhi košyk: Finlandyja, Słavienija, Bałharyja, Armienija;
treci: Biełaruś, Farerskija vyspy, Kipr, Estonija;
čaćviorty: Łatvija abo Hibrałtar, Luksiemburh abo Malta, Małdova, San-Maryna.
Padčas losavańnia ŭ supierniki biełarusam dastaniecca pa zbornaj z kožnaha košyka, aproč treciaha.
Matčy projduć uvosień z 24 vieraśnia pa 17 listapada, pryčym upieršyniu ŭ historyi buduć syhranyja adrazu čatyry zapar hulni: z 24 vieraśnia pa 6 kastryčnika. Tady ŭ jeŭrapiejskich čempijanatach praduhledžany śpiecyjalny pierapynak.
Zbornuju Biełarusi, nahadajem, uznačaliŭ Viktar Hančarenka.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary