Na Panamarova pakryŭdzilisia piać kleckich čynoŭnikaŭ
Kleckamu vydaŭcu zakidajuć «naŭmysnaje raźmiaščeńnie ŭ drukavanym srodku abraźlivych źviestak» pra miascovych čynoŭnikaŭ.
Kleckamu vydaŭcu zakidajuć «naŭmysnaje raźmiaščeńnie ŭ drukavanym srodku abraźlivych źviestak» pra miascovych čynoŭnikaŭ.
9 červienia klecki aktyvist Ruchu «Za svabodu» Siarhiej Panamaroŭ z advakatam Paŭłam Sapiełkam naviedaŭsia da śledčaha pa asabliva važnych spravach Azareviča A. S. Nahadajem, što 25 traŭnia 2010 h. u dačynieńni da Panamarova była raspačataja kryminalnaja sprava pavodle art.369 KK («abraza pradstaŭnika ŭłady»).
Jak paviedamiŭ S. Panamaroŭ,
siońnia z hutarki sa śledčym jamu stali viadomyja proźviščy tych samych pradstaŭnikoŭ ułady, jakich jon nibyta abraziŭ. Heta staršyja Kleckaha rajvykankamu A. Bojka, sudździa rajsuda A. Haściejeva, staršynia rajonnaha savietu deputataŭ P. Duduk i kleckija milicyjanty A. Kananovič i S. Zdrok.Śledčymi byli pravieranyja materyjały biuletenia «Bojki Kleck» ad 2006 hoda pa luty 2009-ha. U ich było znojdziena niekalki dziesiatkaŭ artykułaŭ, jakija, pa viersii śledstva, byli nadrukavanyja «naŭmysna», «z metaj nanieści abrazu».
Była pryznačanaja ekśpiertyza tekstaŭ, jakaja vyjaviła, što prykmiety złačynstva, praduhledžanaha art. 369, prysutničajuć u 7 artykułam.
Siońnia s. Panamaroŭ admoviŭsia adkazvać na pytańni śledčaha, matyvujučy heta nieabchodnaściu aznajomicca z materyjałami spravy. «Pakul nieviadoma, ci heta kalektyŭny pazoŭ z boku vyšejaznačanych čynoŭnikaŭ, ci jany skardzilisia na mianie ŭ indyvidualnym paradku», — raspavioŭ klecki vydaviec.
Nahadajem, što heta nie pieršaja sproba zavieści suprać kleckaha aktyvista kryminalnuju spravu za publikacyju artykułaŭ pra kleckich pradstaŭnikoŭ ułady. Tolki ciaham 2007 hoda prakuratura Kleckaha rajonu 5 razoŭ pačynała kryminalnuju spravu ŭ dačynieńni da Panamarova. Jaho vinavacili ŭ paklopie ŭ drukavanych srodkach.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary