200 čałaviek vyjšli na akcyju salidarnaści sa źnikłymi
Paśla akcyi byli zatrymanyja Jaŭhien Afnahiel, Pavieł Juchnievič, Maksim Sierhijec, Andrej Moŭčan. Ahułam 8 čałaviek.
20.30
Zatrymanych adpuścili. Pavodle aktyvistaŭ, u pratakołach ab administracyjnym parušeńni nie byli paznačanyja adpaviednyja artykuły.
18:50
Praŭda, praź niejki čas Juchnieviča ŭsio ž zatrymali. Razam ź im zatrymali Maksima Sierhijca i Andreja Maŭčana. Usie jany zaraz znachodziacca ŭ Pieršamajskim RUUS.
18.30
Akcyja zaviaršyłasia. Zatrymany Jaŭhien Afnahiel. Ludzi ŭ cyvilnym taksama sprabavali zatrymać jašče adnaho arhanizatara akcyi — Paŭła Juchnieviča — adnak biespaśpiachova.
18.15
Sabrałasia kala 200 čałaviek. Milicyja praciahvaje papiaredžvać ab niesankcyjanavaj akcyi. Źjaviłasia raściažka «Patrabujem mižnarodnaha razhladu spravaŭ źnikłych». Na akcyi prysutničaje lider AHP Anatol Labiedźka.
18.05
U akcyi ŭdzielničaje kala sotni čałaviek. Prysutničajuć aktyvisty «Jeŭrapiejskaj Biełarusi», «Maładoha Forntu», Alaksiej Makajeŭ, Viktar Ivaškievič. Ludzi stali łancuhom, tvarami ŭ bok praśpiektu, trymajuć u rukach partrety źnikłych.
Supracoŭniki milicyi papiaredžvajuć prysutnych, što akcyja niesankcyjanavanaja. Adnak pakul zatrymańniaŭ niama.
17.55
U Minsku na placoŭcy pry Akademii Navuk pačynajecca akcyja salidarnaści sa źnikłymi.
Ciapier na miescy praviadzieńnia akcyi znachodzicca kala 30 čałaviek, siarod ich Andrej Sańnikaŭ i Uładzimir Niaklajeŭ. U ludziej, što vychodziać da Akademii navuk ź mietro, milicyjanty ŭ cyvilnym praviarajuć dakumienty. U pryvatnaści, hetaj pracedury byli padvierhnutyja karespandenty «NN».
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary