Kancert biez harantyi

Nievierahodna: 11 vieraśnia ŭ Biełaj zale Pałaca respubliki budzie vystupać suśvietna słavuty Łondanski fiłarmaničny arkiestr, salistka — Andžeła Hieorhiu.

Pačuŭšy pra heta, ja nie pavieryła vušam. Nikoli jašče ŭ Minsku nie vystupała zorka hetkaha masštabu. Kali i pryjazdžajuć niejkija słavutaści, dyk zvyčajna tyja, što ŭžo skončyli karjeru. Jak toj Kareras, jaki bliščaŭ u 1970-ja, a ciapier žyvie pareštkami byłoha hołasu i słavy.

Zusim inšy vypadak — spadarynia Hieorhiŭ. U svaje 45 hadoŭ kazačna pryhožaja i ŭ roskvicie opiernaj karjery. U jaje vielmi ščylnym kalendary — tolki najlepšyja sceny śvietu: Metropolitan Opera (Ńju-Jork), Royal Opera Covent Garden (Łondan), Deutsche Opera (Bierlin)… I raptam siensacyja — vystup u Minsku! Pryčym nie ŭ opiernym śpiektakli, a ŭ… skažam tak, małazrazumiełaj antrepryzie, jakuju arhanizavała nikomu nie viadomaje ZAO «Abu-Dabi siervis». Cana kvitkoŭ — jak u Biełaruskaj opiery: ad 15 da 50 tysiač rubloŭ.

Usio heta padałosia nastolki nievierahodnym, što ja zazirnuła na aficyjny sajt sp-ni Hieorhiu. Nijakaj infarmacyi pra minski kancert tam niama. Zatoje jość źviestka pra toje, što 12 vieraśnia artystka musić być u Japonii, u Iakahamie, i ihrać hałoŭnuju rolu u hastrolnym śpiektakli karaleŭskaj opiery Covent Garden «Travijata». Paśpieć ź Minska na śpiektakl u Iakahamie fizična niemahčyma. A značyć, nijakaha vystupu sp-ni Hieorhiŭ u Minsku być nie moža!

Zaziraju na sajt Łondanskaha fiłarmaničnaha arkiestru. Tam jość infarmacyja pra toje, što 11 vieraśnia kalektyŭ budzie vystupać u «Dvorets Respubliki (Palace of the Republic), Minsk». Jość i prahrama kancertu — na minskich afišach jaje niama. Vidać, arhanizataram niazručna było paviedamlać, što

ŭdzieł sp-ni Hieorhiu u kancercie abmiažoŭvajecca duetam z «Travijaty» i dźviuma aryjami — z opiery Katałani «La Walli» i Pučyni «Džani Skiki». Astatniuju častku prahramy składajuć opiernyja ŭvierciury i valsy Štraŭsa, a taksama vystup maładoha rumynskaha tenara Maryjusa Mani

Pry dalejšych pošukach vyśvietliłasia, što sp-nia Hieorhiu amal u apošni momant skasavała svoj udzieł u japonskich hastrolach. A 17 lipienia jana admoviłasia śpiavać «Travijatu» na scenie Covent Garden. Heta byŭ apošni śpiektakl u sezonie, amatary byli mocna rasčaravanyja. Apaviadajuć pra toje, što na papiarednich śpiektaklach hołas sp-ni Hieorhiŭ byŭ nie ŭ najlepšym stanie. Mahčyma, z hetaj pryčyny jana i skasavała svoj vystup, spadziajučysia, što jaje cudoŭnaje saprana ačuniaje da nastupnaha siezona. Ale zdaryłasia inačaj.

Voś imaviernaje tłumačeńnie, čamu słavutaja śpiavačka raptoŭna, biez jakoj-lubia papiaredniaj rekłamy, abiacałasia vystupić u Minsku. Bo 

heta vystup biez harantyi. Mahčyma, heta budzie najlepšaje ŭražańnie ŭ vašym žyćci. A mahčyma, najhoršaje. Albo kancert uvohule nie adbudziecca. Ale sapraŭdnaje mastactva, u adroźnieńnie ad pyłasosaŭ ci pantoflaŭ, zaŭždy biez harantyi.

• 0
• 0
• 0
• 0
• 0
• 0
• 0
• 0