Nieabyjakavyja da historyi i kultury haradziency zaŭsiody pamiatajuć pra zrujnavany kamunistyčnymi ŭładami 29 listapada 1961 hodu staražytny kaścioł – znakamituju Faru Vitaŭta.
Nieabyjakavyja da historyi i kultury haradziency zaŭsiody pamiatajuć pra zrujnavany kamunistyčnymi ŭładami 29 listapada 1961 hodu staražytny kaścioł – znakamituju Faru Vitaŭta. Z nahody 45-ch uhodkaŭ źniščeńnia bažnicy, u miascovaj katedry prajšło ŭračystaje nabaženstva.
Pa inicyjatyvie hrupy nieabyjakavych da historyi i kultury haradziencaŭ napiaredadni vypuścili admysłovuju paštoŭku z vyjavaj Fary Vitaŭta pad nazvaj „45 hadoŭ biaz Fary Vitaŭta».
Faru Vitaŭta pabudavali naprykancy XIV stahodździa pry kniazi Vitaŭcie Vialikim, tamu za joj zamacavałasia jahonaje imia. U XVI stahodździ pobač z draŭlanaj pabudovaj karol Stefan Batory zbudavaŭ novy muravany chram, jaki pieraniaŭ nazvu papiarednika. Bažnica za svaju historyju nieadnarazova pierabudoŭvałasia, mianiajučy architekturnyja styli i kanfesijnuju prynaležnaść. U časy rasiejskaj imperyi z 1804 pa 1918 hod – heta byŭ pravasłaŭny Safijski sabor. U 1918 hodzie chram viarnuli katalikam, a paśla druhoj suśvietnaj vajny savieckija ŭłady pieratvaryli Faru Vitaŭta ŭ skład. 29 listapada 1961 hodu ŭ dźvie hadziny nočy vykanali rašeńnie miascovych uładaŭ ad 8 sakavika 1961 hodu „O snosie avarijnoho zdanija, byvšieho kostioła na Sovietskoj płoŝadi».
Uzarvali kaścioł leninhradzkija piratechniki. Ciapier na miescy bažnicy skver, u jakim padčas masavych hulańniaŭ ustaloŭvajuć fejerverki.
fota z sajtu harodnia.com
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?10
Kamientary