Неабыякавыя да гісторыі і культуры гарадзенцы заўсёды памятаюць пра зруйнаваны камуністычнымі ўладамі 29 лістапада 1961 году старажытны касьцёл – знакамітую Фару Вітаўта.
Неабыякавыя да гісторыі і культуры гарадзенцы заўсёды памятаюць пра зруйнаваны камуністычнымі ўладамі 29 лістапада 1961 году старажытны касьцёл – знакамітую Фару Вітаўта. З нагоды 45-х угодкаў зьнішчэньня бажніцы, у мясцовай катэдры прайшло ўрачыстае набажэнства.
Па ініцыятыве групы неабыякавых да гісторыі і культуры гарадзенцаў напярэдадні выпусьцілі адмысловую паштоўку з выявай Фары Вітаўта пад назвай „45 гадоў бяз Фары Вітаўта».
Фару Вітаўта пабудавалі напрыканцы XIV стагодзьдзя пры князі Вітаўце Вялікім, таму за ёй замацавалася ягонае імя. У XVI стагодзьдзі побач з драўлянай пабудовай кароль Стэфан Баторы збудаваў новы мураваны храм, які пераняў назву папярэдніка. Бажніца за сваю гісторыю неаднаразова перабудоўвалася, мяняючы архітэктурныя стылі і канфэсійную прыналежнасьць. У часы расейскай імпэрыі з 1804 па 1918 год – гэта быў праваслаўны Сафійскі сабор. У 1918 годзе храм вярнулі каталікам, а пасьля другой сусьветнай вайны савецкія ўлады ператварылі Фару Вітаўта ў склад. 29 лістапада 1961 году ў дзьве гадзіны ночы выканалі рашэньне мясцовых уладаў ад 8 сакавіка 1961 году „О сносе аварийного здания, бывшего костёла на Советской площади».
Узарвалі касьцёл ленінградзкія піратэхнікі. Цяпер на месцы бажніцы сквэр, у якім падчас масавых гуляньняў усталёўваюць фэервэркі.
фота з сайту harodnia.com
Цяпер чытаюць
70-гадовую жанчыну з Гомеля пасадзілі за каментары. Гэта самая пажылая палітзняволеная13
Каментары