«Zabaronieny pryjom» Zeka Snajdera — impetna-panyłaje kamputarnaje vidovišča, padzielenaje na piać misij.
Zabaronieny pryjom (Sucker Punch)
ZŠA — Kanada, 2011, kalarovy, 110 chv.
Režysior: Zek Snajder
Roli vykonvajuć: Emili Braŭninh, Ebi Korniš, Džena Mełoŭn, Vanesa En Hadžens, Džemi Čunh, Karła Hudžyna
Žanr: Psichijatryčna- kamputarnaja hulnia
Adznaka: 3 (z 10)
Pa śmierci maci, zły ojčym adpraŭlaje hierainiu ŭ psichijatryčnuju lakarniu, dzie dziaŭčynie musiać zrabić łabatamiju. Kab uciačy z varjatni ŭviaźnienyja dziaŭčynki musiać sabrać piać rečaŭ, znojdzienych va ŭłasnych fantazijach.
Apošniaja karcina Zeka Snajdera — impetna-panyłaje kamputarnaje vidovišča, padzielenaje na piać misij. Kožnaja misija — asobnaja pryhoda bajavoha atradu varjatak-błandzinak z samurajskimi miačami i hranatamiotami. Kajzieraŭskija žaŭniery-zombi, cmoki z pałacu, złyja robaty raźlatajucca ŭ šmatki pad udarami šalnych dziaŭčynak u karotkich spadničkach.
Pa-za miežami misij — niaŭciamnaja šyza bardela i kabare 50-ych hadoŭ. Ale popielna-sinija kadry vyhladajuć sterylnymi, kamputarnaja kałatnieča anijak nie čaplaje, a ŭsie vynachodki — staryja. U vylizanaj karcinie skasavana ŭsio žyvoje, nat niedarečnaści.
Adzinaje, što ździŭlaje — paradaksalnaje vykarystańnie muzyki 80-ych hadoŭ. Ale, kab naciešycca muzykaj, zusim nie abaviazkova hladzieć hety film.
Kamientary