Eks-dyktatar Jehipta paprasiŭ prabačeńnia ŭ hramadzianaŭ i amnistyi
Na rachunkach Mubarakaŭ u inšych krainach byli aryštavany sotni miljonaŭ dalaraŭ.
U aŭtorak arabskija ŚMI raspaŭsiudzili list ad imia źvierhnutaha try miesiacy tamu prezidenta Jehipta Chośni Mubaraka. U im Mubarak prynosić prabačeńni ŭsim jehipcianam i prosić amnistavać jaho.
Mubarak prosić prabačeńnia ad imia siabie i svajoj siamji «za luboje złačynstva, zroblenaje ludziam», — paviedamili krynicy ŭ novym časovym uradzie Jehipta, jaki ŭtvaryła armija.
U jakaści apraŭdańnia Mubarak kaža, što ŭsie zroblenyja im pamyłki pachodzili ad jaho daradcaŭ, jakija paviedamlali jamu iłžyvuju infarmacyju.
Taksama ŭ tekście Mubarak zajaŭlaje, što hatovy pieradać Jehiptu usie svaje hrošy i ŭłasnaść.
U paniadziełak žonka Chośni Mubaraka Siuzana padpisała papiery ab admovie na karyść dziaržavy ad svajoj majomaści — viły ŭ pryharadzie Kaira i sumy ŭ $3,4 młn na bankaŭskich rachunkach.
Na rachunkach Mubarakaŭ u inšych krainach byli aryštavany sotni miljonaŭ dalaraŭ — 340 miljonaŭ u adnoj Šviejcaryi.
Darečy, i «narodny lidar» Livii Muamar Kadafi taksama mieŭ u Šviejcaryi 320 miljonaŭ baksaŭ.
U dačynieńni da
Mubaraka i jaho žonku abvinavačvajuć u vykarystańni słužbovaha stanovišča dla asabistaha ŭzbahačeńnia, a Mubaraka taksama padazrajuć u vydačy zahadaŭ stralać pa mirnych hramadzianach.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary