Zdareńnie adbyłosia a 5.30 ranicy na skryžavańni praśpiekta Pieramožcaŭ i vulicy Mielnikajcie ŭ Minsku.
i nie daŭ pravieryć siabie na ałkahol.
U 5.30 ranicy ŭ niadzielu 12 červienia ŭ centry Minska, na rahu praśpiekta Pieramožcaŭ i vulicy Mielnikajcie, sutyknulisia dva supierdarahija aŭto.Pavodle słovaŭ vidavočcaŭ, vinavaty ŭ zdareńni byŭ kiroŭca Bentley Continental GT. Jaho vyniesła na sustrečnuju pałasu. Kiroŭca Lexus LX570 z rasijskimi numarami, žychar Słucka, nie paśpieŭ zreahavać. Padčas avaryi ŭ sałonie «Bentli» zaharełasia abšyŭka, jaje za paru chvilin udałosia zhasić.
U internecie adrazu źjavilisia mierkavańni, što «Bentli» naležyć Michaiłu Zacharavu — hałoŭnamu trenieru minskaha chakiejnaha kłuba «Junactva».Zacharaŭ uvachodzić u vuzki puł spartoŭcaŭ, čynoŭnikaŭ i biznesoŭcaŭ, jakija hulajuć u chakiej razam z Alaksandram Łukašenkam.
Vidavočcy śćviardžali, što za rulom «Bentli» siadzieŭ mužčyna.
Adnak
siabroŭka Michaiła Zacharava Maryna zajaviła žurnalistam «Salidarnaści» ŭ paniadziełak: za rulom była ja. A Michaił Zacharaŭ, skazała jana, pryjechaŭ na miesca DTZ paślasutyknieńnia «Bentli» z «Leksusam», kali jana jamu pazvaniła. I heta, maŭlaŭ, sparadziła čutki, što jon vinavaty ŭ DTZ.
Adnak DAI raspaŭsiudziła inšuju infarmacyju: za rulom «Bentli» znachodziŭsia mužčyna 1962 hoda naradžeńnia.DAI tradycyjna nie padaje imionaŭ udzielnikaŭ DTZ.
Žurnalisty vydańnia «Ježiednievnik» pajšli dalej: jany zdabyli dakumienty DAI, jakija ŭkazvajuć, što za rulom «Bentli-Kantynientala» byŭ Michaił Zacharaŭ.
Pryčym, «pa źniešnich prykmietach» jon byŭ pjany.Ale ad miedahladu admoviŭsia — i mieŭ prava: zhodna z zakonam, abaviazkovy miedahlad kiroŭcy ažyćciaŭlajecca tolki ŭ vypadkach, kali pry avaryi jość paciarpiełyja. Adnak Kodeks ab administracyjnych pravaparušeńniach admovu ad miedahladu kvalifikuje taksama jak kiravańnie transpartam u stanie apjanieńnia.
U dačynieńni da Zacharava byli składzienyja dva administracyjnyja pratakoły — pa art. 18.16 p.1 za kiravańnie transpartnym srodkam u stanie apjanieńnia i admovu ad miedyčnaj pravierki i pa art. 18.22 p.5 — za, ułasna, parušeńnie praviłaŭ darožnaha ruchu. Jamu pahražaje pazbaŭleńnie pravoŭ na kiravańnie aŭto na try hady.
Robicca zrazumieła, piša «Ježiednievnik», čamu dziaŭčyna kinułasia hrudziami na ambrazuru.
Siabroŭka taksama ŭdakładniła, što sierabrysty «Bentli» — jaje, a ŭ samoha Zacharava — čorny. Jana kazała, što aŭto joj padaryli, «ale zrabiŭ heta nie Michaił Michajłavič».
U Biełarusi takich darahich aŭto adzinki. Bentley Continental GT naležyć da apošniaha abnoŭlenaha madelnaha šerahu kampanii. Vypusk takich aŭtamabilaŭ pačaŭsia tolki viasnoj 2011 hoda. U Jeŭropie novaje takoje aŭto bazavaj kamplektacyi kaštuje 154000 jeŭra, u ZŠA — 189 900 dalaraŭ.
Kolki ž zarablaje Michaił Zacharaŭ, raz moža sabie dazvolić aŭto takoha kštałtu?Uskosna pra zarobki chakieistaŭ u Biełarusi skazaŭ dyrektar futbolnaha kłuba BATE Anatol Kapski. Jon narakaŭ na toje, što
«druhasny chakieist u minskim «Dynama» atrymlivaje našmat bolš, čym naš hałoŭny trenier». U praciah pryznaŭsia, što trenier BATE Viktar Hančarenka zarablaje $15 tysiač u miesiac.
Tak što, jak žartujuć na internet-forumach, Zacharavu, vidać, kab sabrać 190 tysiač dalaraŭ, daviałosia «paekanomić paru miesiacaŭ».
U Minsku havorać, što Zacharaŭ — časty hość načnych kłubaŭ.
* * *
Michaił Zacharaŭ
nar. u 1962, Uść-Kamienahorsk, Kazachstan — u minułym saviecki i biełaruski chakieist. U 2003—2005 i 2009—2010 byŭ hałoŭnym trenieram nacyjanalnaj zbornaj Biełarusi. Ciapier hałoŭny trenier minskaha chakiejnaha kłuba «Junactva» i druhi trenier nacyjanalnaj zbornaj Ukrainy. Zasłužany trenier Biełarusi.
* * *
Bentley Continental GT
naležyć da apošniaha abnoŭlenaha madelnaha šerahu kampanii. Vypusk takich aŭto pačaŭsia viasnoj 2011. U Jeŭropie novaja mašyna bazavaj kamplektacyi kaštuje 154 000 jeŭra, u ZŠA — 189 900 dalaraŭ.
Kamientary