Ministerstva zamiežnych spraŭ Litvy śćviardžaje, što jašče ŭ červieni infarmavała inšyja litoŭskija viedamstvy ab tym, kab tyja nie padavali Biełarusi infarmacyju, jakuju možna było b vykarystoŭvać u metach pieraśledu apazicyi.
«Pa inicyjatyvie MZS u červieni i lipieni byli arhanizavanyja mižviedamasnyja narady na biełaruskuju temu, na jakich abmiarkoŭvałasia, jak abaranić asob, źviazanych ź biełaruskaj apazicyjaj. Ledź atrymaŭšy sihnały ab mahčymym vykarystańni instrumientaŭ pravavoj dapamohi suprać členaŭ hramadzianskaj supolnaści, MZS źviarnuŭsia ŭ inšyja litoŭskija ŭstanovy z prośbaj nie pradastaŭlać Biełarusi padobnuju infarmacyju, jakaja mahła b być vykarystanaja dla pieraśledu apazicyi», — havorycca ŭ zajavie litoŭskaha MZS, jakoje raspaŭsiudziła infarmahienctva BNS.
U MZS Litvy adznačajuć, što adnym z prykładaŭ padobnaha pieraśledu źjaŭlajecca zatrymańnie kiraŭnika pravaabarončaha centra «Viasna» Alesia Bialackaha i dziejańni biełaruskich orhanaŭ, nakiravanyja suprać jaho pravaabarončaj arhanizacyi.
«MZS Litvy paśladoŭna padtrymlivaje namahańni pa zabieśpiačeńni pravoŭ čałavieka i ŭmacavańniu hramadzianskaj supolnaści ŭ Biełarusi i razam ź inšymi litoŭskimi viedamstvami imkniecca nie dapuścić vykarystańnia instrumientaŭ dvuchbakovaha pravavoha supracoŭnictva ŭ palityčnych metach u susiedniaj krainie», — padkreślivajecca ŭ zajavie ministerstva.
«Hety vypadak — papiaredžańnie ab tym, jakija niehatyŭnyja nastupstvy moža mieć farmalnaje rašeńnie ab pradastaŭleńni infarmacyi zamiežnym dziaržavam, što prymajecca biez uliku palityčnaj rekamiendacyi MZS», — cytuje BNS kiraŭnika litoŭskaha MZS Audronisa Ažubalisa.
Jon padkreśliŭ, što i ŭ dalejšym prykładzie namahańni, kab palityčnyja źniavolenyja ŭ Biełarusi byli adpuščanyja na volu.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ20
Kamientary