U Homielskim rajonie na pažary ŭ dziciačym letniku zahinuŭ mužčyna
Na pažary ŭ dziciačym azdaraŭlenčym łahiery "Pramień" (Homielski rajon) zahinuŭ mužčyna.
Viečaram 21 žniŭnia zaharełasia elektrapravodka ŭ budynku, raźmieščanym na terytoryi łahiera. Jak paviedamili BiełaPAN u Homielskim abłasnym upraŭleńni MNS, paśla prybyćcia ratavalnikaŭ było ŭstanoŭlena, što haryć dach budynka, jaki nie ekspłuatujecca, i daščanaja prybudova.
Na momant uźniknieńnia pažaru na terytoryi łahiera ŭ susiednich žyłych karpusach znachodziłasia 99 dziaciej ad 2 da 17 hadoŭ i 13 čałaviek absłuhovaha piersanału. Nichto ź ich nie paciarpieŭ.
U vyniku pažaru źniščana prybudova i dach zakinutaha budynka, paškodžana majomaść unutry. Padčas razborki budaŭničych kanstrukcyj byŭ znojdzieny trup mužčyny, rabotnika łahiera.
Pryčyna pažaru vyśviatlajecca.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
Kamientary