Bo tyja, chto sadziŭ u turmu, zastalisia na svaich pasadach i, praŭdapadobna, nie buduć pakaranyja.
Byłyja palitviaźni Fiodar Mirzajanaŭ i Illa Vasilevič zajavili 22 vieraśnia žurnalistam, što nie źbirajucca zastavacca ŭ Biełarusi i adjeduć z krainy na vučobu.
Fiodar Mirzajanaŭ tłumačyć, što nie maje namieru zastavacca ŭ Biełarusi, bo tyja, chto jaho aryštavaŭ i pasadziŭ u turmu, zastalisia na svaich pasadach i, praŭdapadobna, nie buduć pakaranyja. Tamu, maŭlaŭ, zastajecca niebiaśpiečna.
Illa Vasilevič kaža, što hłyboka źniavažany parušeńniem zakonaŭ i pravoŭ čałavieka ŭ Biełarusi. «Ja nie adčuvaju ŭ hetych umovach siabie volnym i ŭ biaśpiecy. U luby momant na luboha čałavieka mohuć sfalšavać spravu i pasadzić u turmu. U kałonijach takich ludziej šmat», — zajaviŭ Vasilevič. Jon dadaŭ, što mienavita pavodle hetych matyvaŭ nie źbirajecca zastavacca ŭ Biełarusi.
Vasilevič i Mirzajanaŭ zajavili, što jany viernucca ŭ Biełaruś, kali ŭ krainie źmienicca palityčny režym.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary