Kijeŭskaja studentka adchvastała ministra-rusifikatara bukietam pa tvary
Śviedkam byŭ kiraŭnik biełaruskaha adukacyjnaha ministerstva Siarhiej Maskievič.
Biełaruski ministr adukacyi Siarhiej Maskievič trapiŭ u samuju hušču studenckich pratestaŭ u Kijevie, źviazanych z praviadzieńniem tam mižnarodnaj adukacyjnaj kanfierencyi. Akramia biełaruskaha ministra adukacyi ŭdzieł u joj uziali kiraŭniki profilnych ministerstvaŭ bolej za 40 jeŭrapiejskich krain.
Praca mižnarodnaha forumu «Sistema adukacyi ŭ Jeŭropie ŭ XXI stahodździ» ŭ Kijevie pačałasia sa skandału:
studentka adnoj z samych prestyžnych ukrainskich navučalnych ustanovaŭ, Kijeva-Mahilanskaj akademii, adłupcavała nienavisnaha mnohim studentam ministra adukacyi Dźmitryja Tabačnika bukietam kvietak. Toj zastaŭsia žyvy, ale, vidać, mocna pakryŭdžany: miascovaja milicyja zaviała na dziaŭčynu spravu, ciapier joj pahražaje 15 sutak aryštu.
Biełaruskamu ž ministru adukacyi zastavałasia tolki aburycca: «Ja liču, što takoha być nie pavinna, kali łaska, źbirajcie podpisy, jašče niejak vykazvajeciesia, ale vykazvać voś takim čynam pratest, ja liču, heta prosta prykmieta niavychavanaści», — zajaviŭ jon u intervju kijeŭskamu telekanału.
Sama ž studentka, jakoj jašče niama i 18 hadoŭ, patłumačyła, što try dni rychtavałasia da boju z «voraham ukrainskaj kultury» Tabačnikam. «Uvieś śviet ubačyŭ uzrovień niepavahi da ministra adukacyi.
Im pahardžajuć usie, absalutna ŭsie studenty. My nieadnarazova patrabavali adstaŭki hetaha kata ŭkrainskaha adukacyi. Ciapier pra heta viedaje śviet», — prakamientavała jana padzieju dla partału Korriespondient.net.
Ale na hetym ukrainskija studenty nie supakoilisia. Uvieś dzień u Kijevie praciahvalisia vystupleńni studentaŭ. Byli i sutyčki ź milicyjaj, zatrymanyja 4 čałavieki. Ale hałoŭnaj svajoj mety — praviadzieńnia alternatyŭnaha adukacyjnaha forumu, kudy paklikali i biełaruskich studentaŭ, jany ŭsio ž damahlisia.
Studenty Kijeva-Mahilanskaj akademii abviaścili zabastoŭku. Hałoŭnaje ich patrabavańnie — adstaŭka ministra adukacyi Tabačnika.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary