U śniežni ŭ stalicy Litvy projdzie sustreča ministraŭ ABSIE, čakajecca vizit dziaržasakratara ZŠA.
6-7 śniežnia na sustrečy ministraŭ krain Arhanizacyi pa biaśpiecy i supracoŭnictvie ŭ Jeŭropie (ABSIE) u Vilni čakajuć i dziaržsakratara ZŠA Chiłary Klintan.
Ministr zamiežnych spraŭ Litvy Audronis Ažubalis ŭ čaćvier žurnalistam skazaŭ, što vizit u Litvu ŭniesieny ŭ paradak dnia dziaržsakratara ZŠA.
«Hetaja sustreča ŭniesiena ŭ jaje paradak dnia, ale isnuje takaja tradycyja, što ministerstvu kažuć «tak» abo «nie» napiaredadni. Ale jość vialikaja vierahodnaść. Heta było b surjoznym znakam», - skazaŭ jon.
***
Dziaržsakratar ZŠA Chiłary Klintan u Litvie była ŭ pačatku lipienia 2011 h. Jana pryniała ŭdzieł u zakryćci arhanizavanaj u prezidenckim pałacy ŭ Vilni kanfierencyi pra ŭkład žančyn va ŭmacavańnie demakratyi i zrabiła niekalki zajavaŭ nakont situacyi z pravami čałavieka ŭ Biełarusi.
«My patrabujem, kab Biełaruś vyzvaliła palityčnych viaźniaŭ i ŭstupiła na šlach demakratyčnych reformaŭ, bo vielmi škada biełaruskaha narodu, jaki znachodzicca ŭ takim rezkim kantraście sa svaimi susiedziami. I heta nam nahadvaje, što pabudova adzinaj i svabodnaj Jeŭropy ŭsio jašče nie zakončanaja», -- skazała tady sp-nia Klintan.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary