Minułaja vosień u Biełarusi stała samaj suchoj za 30 hadoŭ

U hetym hodzie vosień u Biełarusi była niezvyčajna suchoj i ciopłaj. Siaredniaja tempieratura pavietra za siezon skłała plus 7,4 hradusa pry klimatyčnaj normie plus 6,3 hradusa. Ab hetym siońnia paviedamiła ŭ chodzie online kanfierencyi na sajcie BIEŁTA «Prahnoz nadvorja: uhadvajem abo vyličvajem?» načalnik adździeła klimatu Respublikanskaha hidramieteacentra Alena Kamaroŭskaja. Pavodle słoŭ śpiecyjalista, takoj ciopłaj vosień u našych šyrotach byvaje prykładna adzin raz u try-čatyry hady, a takoj suchoj — raz u 30 hadoŭ.

Hetaj vosieńniu ŭ Biełarusi ciopłymi byli ŭsie try miesiacy.

Siaredniaja tempieratura pavietra ŭ kastryčniku była blizkaja da klimatyčnaj normy (plus 6,2 hradusa) — 6,3 hradusa ciapła. Pierachod siaredniaj sutačnaj tempieratury pavietra praź plus 5 hradusaŭ u bok panižeńnia (zakančeńnie viehietacyjnaha pieryjadu) ažyćciaviŭsia na bolšaj častcy terytoryi krainy 13–15 kastryčnika, pa paŭnočnaj pałavinie respubliki — na 4–8 dzion raniej za zvyčajnyja terminy, pa paŭdniovaj pałavinie — na 9–17 dzion raniej. Tolki ŭ Šarkaŭščynie i Vierchniadźvinsku hety pieryjad adbyŭsia 26 kastryčnika — na 5–6 dzion paźniej.

Siaredniaja miesiačnaja tempieratura pavietra listapada skłała plus 2,3 hradusa, što vyšej za klimatyčnuju normu na 1,6 hradusa. Ustojlivaha pierachodu siaredniaj sutačnaj tempieratury pavietra praz nul hradusaŭ (što aznačaje pačatak zimy) u listapadzie tak i nie adbyłosia.

Hetaj vosieńniu vypała 79 mm apadkaŭ, što składaje 50 pracentaŭ klimatyčnaj normy. Takaja małaja kolkaść apadkaŭ u Biełarusi za asiennija miesiacy rehistrujecca prykładna raz u 30 hadoŭ. Najbolš apadkaŭ vypała ŭ Viciebskaj vobłaści — 107 mm (64 pracenta klimatyčnaj normy), najmienš — u Bresckaj — 50 mm (33 pracenty normy).

U vieraśni ŭ siarednim pa respublicy vypała 36 mm apadkaŭ (61 pracent normy), u kastryčniku — amal 29 mm apadkaŭ (57 pracentaŭ). A samym suchim z asieńnich miesiacaŭ byŭ listapad — u siarednim pa Biełarusi vypała 14 mm apadkaŭ (29 pracentaŭ klimatyčnaj normy). Takaja i mienšaja kolkaść apadkaŭ fiksujecca ŭ listapadzie prykładna raz u 30 hadoŭ. Najbolš suchoj była pieršaja dekada miesiaca, kali ŭ siarednim pa Biełarusi vypała 0,2 mm apadkaŭ, abo 1 pracent dekadnaj klimatyčnaj normy. Na asobnych mieteastancyjach Bresckaj, Homielskaj i Mahiloŭskaj abłaściej takoha suchoha listapada nie adznačałasia ni razu za ŭsiu historyju mieteanazirańniaŭ.

Pavodle danych sinoptykaŭ,

samaj ciopłaj vosień u Biełarusi była ŭ 1967 hodzie, kali siaredniaja tempieratura siezona skłała plus 9 hradusaŭ, a samaj chałodnaj — u 1993 hodzie

• 0
• 0
• 0
• 0
• 0
• 0
• 0
• 0