Pierad miascovymi deputatami jon pramaŭlaŭ amal 11 hadzin.
Amal 11 hadzin vystupaŭ pierad deputatami nacyjanalnaj asamblei prezident Vieniesueły Uho Čavies. Padniaŭšysia na trybunu sa svaim dakładam pra vyniki minułaha hoda ŭ hadzinu dnia pa miascovym časie, jon spuściŭsia ź jaje amal apoŭnačy.
Letaś anałahičny vystup praciahvaŭsia ŭsiaho 7 hadzin. Ale tady Čavies vystupaŭ paśla ciažkaj apieracyi pa vydaleńni rakavaj puchliny i doŭhaha kursu reabilitacyi.
Padčas svajho vystupu prezident Vieniesueły nieadnarazova źviartaŭsia temy svajoj chvaroby.
A svajo ciažkaje ankałahičnaje zachvorvańnie nazvaŭ «vyprabavańniem dla ŭsioj krainy, ź jakoha vieniesuelski narod vyjšaŭ z honaram, prademanstravaŭšy vysoki ŭzrovień stałaści».
Źviartajučysia da apazicyi, prezident niekalki razoŭ paabiacaŭ, što kali jon prajhraje na vybarach, to pieršym pryznaje svaja parazu, adnak čakaje taho ž ad svajho supiernika.
Taksama padčas svajho vystupu Čavies asudziŭ apazicyju za krytyku ŭ adras prezidenta Irana Machmuda Achmadyniedžada, jon skazaŭ:
«Vy prosta nie viedajecie Achmadyniedžada, jon dobry čałaviek».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary