Kitaj u subotu zaklikaŭ siryjski ŭrad i «usie baki, što ŭdzielničajuć u kanflikcie» nieadkładna spynić usie akty hvałtu i zaniacca pošukam mirnaha vyjścia z kryzisu, cytuje paviedamleńnie MZS krainy aficyjnaje kitajskaje ahienctva Sińchua.
U svaim zvarocie Ministerstva zamiežnych spraŭ Kitaja zaklikała siryjski ŭrad i paŭstancaŭ «pačać šyroki palityčny dyjałoh biez papiarednich umovaŭ» pry pasiarednictvie niadaŭna pryznačanaha AAN i Lihaj arabskich dziaržaŭ śpiecpasłańnika pa Siryi — byłoha hienieralnaha sakratara AAN Kofi Anana.
«Siryjski ŭrad i ŭsie baki, što ŭdzielničajuć u kanflikcie, pavinny nieadkładna, całkam i biezumoŭna spynić usie akty hvałtu, asabliva hvałtu ŭ dačynieńni da cyvilnych asobaŭ», — havorycca ŭ zajavie kitajskaha MZS.
Pavodle novych źviestak AAN, bolš za 7,5 tys. čałaviek zahinuli ŭ Siryi z sakavika minułaha hoda, kali siły biaśpieki krainy pačali žorstka dušyć akcyi pratestu.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary