Incydent zdaryŭsia 19 krasavika. Padazrajucca «mihranty z krain z terarystyčnaj aktyŭnaściu».
Terarystyčnaja pryłada spracavała 19 krasavika ŭ handlovaj zale adnoj z kramaŭ u centralnaj častcy Homiela, paviedamlaje BIEŁTA sa spasyłkaj na pres-hrupu Upraŭleńnia KDB Biełarusi pa Homielskaj vobłaści.
«Kryminalnaja sprava pa prykmietach złačynstva, skład jakoha praduhledžany č.1 st.290 KK Respubliki Biełaruś (pahroza aktam teraryzmu) raspačata ŭpraŭleńniem KDB Biełarusi pa Homielskaj vobłaści.
Padstavaj dla raspačynańnia kryminalnaj spravy źjaviŭsia fakt pryviadzieńnia ŭ dziejańnie 19 krasavika 2012 u 13.58 samarobnaj pryłady dla ažyćciaŭleńnia dziejańniaŭ terarystyčnaj nakiravanaści ŭ handlovaj zale adnoj z kram u centralnaj častcy Homiela»,— prainfarmavali ŭ pres-hrupie.
«Ekśpiertyza pakaža, ci była heta mienavita vybuchovaja pryłada», — rastłumačyli ŭ KDB. Taksama ŭ kamitecie adznačyli, što pry vybuchu nichto surjozna nie paciarpieŭ. Adzin čałaviek atrymaŭ niaznačnyja cialesnyja paškodžańni.
Upraŭleńniem KDB pa Homielskaj vobłaści va ŭzajemadziejańni sa Śledčym kamitetam, prakuraturaj vobłaści, ekśpiertami-kryminalistami UUS abłvykankama pravodziacca nieadkładnyja śledčyja dziejańni i apieratyŭna-vyšukovyja mierapryjemstvy.
Atrymanyja apieratyŭnyja dadzienyja, a taksama elemienty samarobnaj pryłady, inšyja prykmiety stali padstavaj dla adpracoŭki viersii ab «razborkach» pamiž arhanizatarami kanałaŭ nielehalnaj mihracyi ź liku zamiežnych hramadzian, jakija prybyvajuć pad vyhladam navučańnia ŭ VNU Homiela.
«U pačatku krasavika hetaha hoda Upraŭleńniem KDB pa Homielskaj vobłaści była atrymanaja infarmacyja ab aktyvizacyi dziejnaści tak zvanych menadžaraŭ, jakija prybyli ŭ Homiel dla arhanizacyi pastupleńnia ŭ VNU značnaj kolkaści navučencaŭ ź Siryi, Jiemiena, Pakistana i Nihieryi. Raniej prybyćcia padobnaha rodu pasiarednikaŭ nie nazirałasia, a arhanizacyja pastupleńnia ažyćciaŭlałasia va ŭstanoŭlenym paradku praź Ministerstva adukacyi Biełarusi», — adznačyli ŭ pres-hrupie UKDB pa Homielskaj vobłaści.
Asobnyja elemienty pryłady, vyjaŭlenyja na miescy ździajśnieńnia złačynstva, nie vyrablalisia ŭ Biełarusi i pakazvajuć na ich zamiežnaje pachodžańnie, dadali tam.
Pa vynikach ahladu zapisaŭ videakamier nazirańnia, analizu telefonnych złučeńniaŭ i inšych dadzienych śledčymi i apieratyŭnymi padpadzialeńniami arhanizavany vyšuk dźviuch asob va ŭzroście ad 25 da 35 hadoŭ, siaredniaha rostu. Adzin z padazravanych — karžakavataha ciełaskładu, nosić karotkuju baradu, na tvary — jarka vyražany šnar.
Razam z tym śledstvam adpracoŭvajucca i inšyja najbolš vierahodnyja viersii.
«Źviartaje na siabie ŭvahu aktyvizacyja dziejnaści arhanizataraŭ kanałaŭ nielehalnaj mihracyi z krain z terarystyčnaj aktyŭnaściu i na ŭkrainskaj terytoryi. Pa aficyjnych dadzienych Dziaržaŭnaj pahraničnaj słužby Ukrainy, tolki ŭ pieršym kvartale hetaha hoda zatrymanyja 390 nielehalnych mihrantaŭ, kanfiskavana 181 adzinka zbroi, bolš za 6 tys. bojeprypasaŭ i amal 6 kh vybuchovych rečyvaŭ. Z ulikam hieahrafičnaj blizkaści Homiela da sumiežnaj terytoryi, śledstva vyvučaje pradstaŭlenyja ananimna dadzienyja ab uzajemasuviazi asob, jakija adšukvajucca ŭ suviazi z padziejami, jakija adbylisia ŭ Adesie», — paviedamili ŭ pres-hrupie.
Upraŭleńnie KDB Biełarusi pa Homielskaj vobłaści prosić hramadzian, jakim viadomaja jakaja-niebudź infarmacyja, jakaja maje značeńnie dla rasśledavańnia kryminalnaj spravy, ustanaŭleńnia i vyšuku asob, jakija majuć dačynieńnie da arhanizacyi złačynstva, źviartacca ŭ UKDB pa Homielskaj vobłaści pa telefonie davieru 127.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary