Sprava ŭ dačynieńni da Dzianisa Daškieviča z Rahačova prypyniena
25 krasavika sud Rahačoŭskaha rajona prypyniŭ administracyjnuju spravu ŭ dačynieńni da hramadskaha aktyvista Dzianisa Daškieviča.
Jak paviedamiŭ BiełaPAN aktyvist, administracyjny pratakoł viernuty ŭ milicyju, supracoŭniki jakoj i składali jaho. U dačynieńni da Daškieviča byŭ składzieny pratakoł pa art. 9.21 KoAP (parušeńnie aŭtarskich pravoŭ) pa zajavie hałoŭnaha redaktara rajonnaj haziety «Svabodnaje słova» Andreja Šyškina. Jon źviarnuŭsia ŭ prakuraturu z zajavaj, što z sajta rajonnaj haziety byli pieradrukavany biez dazvołu materyjały na sajcie vrogacheve.ru, tym samym aŭtarskija pravy vydańnia byli parušany. Z prakuratury zajava była pieraadrasavana ŭ milicyju. Supracoŭniki RAUS pryjšli da vysnovy, što Dzianis Daškievič źjaŭlajecca administrataram sajta vrogacheve.ru i niasie adkaznaść za publikacyi na hetym resursie.
«Ja nie źjaŭlajusia administrataram sajta, i sud nie zmoh dakazać advarotnaje. Taksama ŭ sudzie paraŭnoŭvalisia materyjały na sajcie rajonnaj haziety i našym
Pavodle słoŭ Daškieviča, 17 krasavika, kali išło pieršaje pasiadžeńnie suda, sajt vrogacheve.ru byŭ uzłamany nieviadomymi. «Tam źjaviŭsia artykuł nibyta ad majho imia sa źnievažalnym źmiestam i paprokami ŭ adras apazicyjanieraŭ i pravaabaroncaŭ. Paźniej z sajta źnikli ŭsie naviny, była źniščana ŭsia naša baza. Ciapier my pracujem nad adnaŭleńniem resursu», — dadaŭ małady čałaviek.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary