Pachod da stamatołaha nie zaŭsiody prynosić žadany vynik, asabliva kali doktar - vašaja byłaja kachanka. U Polščy taki vizit da dantysta kaštavaŭ mužčynu ŭsich zuboŭ.
45-hadovy Marek Alšeŭski vyrašyŭ źviarnucca da stamatołaha, u prafiesijanaliźmie jakoha jon byŭ upeŭnieny, bo ŭsiaho niekalki dzion tamu "zubnaja fieja" była jaho kachanaj. Adnak niaŭdały raman skončyŭsia dla pacyjenta złym žartam. Žančyna, razzłavanaja tym, što jaje kachanak syšoŭ da inšaj, uviała svajmu "byłomu" ładnuju dozu abiazbolvalnaha, zamknuła dźviery ŭ kabiniet i vydaliła jamu ŭsie zuby.
«Ja sprabavała dziejničać prafiesijna, biez emocyj», — namahałasia apraŭdacca pakryŭdžanaja palačka.Zrešty, zrabić heta joj nie ŭdałosia. «Ja zrazumieŭ, što niešta pajšło nie tak, tamu što kali pračnuŭsia, to nie adčuŭ zuboŭ, a skivica była pieraviazanaja, — skazaŭ Alšeŭski. — U mianie nie było pryčynaŭ nie daviarać doktaru».
U dačynieńni da doktarki raspačataja sprava ab miedyčnaj pamyłcy. Joj pahražaje 3 hady turmy.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary