Nacbank: Pradpryjemstvy adznačajuć paharšeńnie ekanamičnaha stanovišča

Pradpryjemstvy — udzielniki manitorynhu Nacyjanalnaha banka Biełarusi adznačajuć niehatyŭnyja źmianieńni bolšaści pakazčykaŭ finansava-haspadarčaj dziejnaści ŭ studzieni-krasaviku 2012 hoda ŭ paraŭnańni z takim ža letašnim pieryjadam. Pra heta BiełaPAN paviedamili ŭ Nacbanku sa spasyłkaj na analityčny ahlad «Manitorynh pradpryjemstvaŭ realnaha siektara ekanomiki Respubliki Biełaruś».

«Pahoršyłasia ekanamičnaja kanjunktura i ekanamičnaje stanovišča mnohich pradpryjemstvaŭ. Nižej za ŭzrovień studzienia-krasavika 2011 hoda skłalisia značeńni indeksu biźnies-klimatu, pakazčyki vytvorčaści, realizacyi, zahruzki vytvorčych mahutnaściaŭ, fizičnaha abjomu zajavak na ŭnutranym i źniešnim rynkach, popytu, čystaha prybytku. Pavialičylisia tempy rostu nierealizavanaj pradukcyi», — kanstatujuć analityki Nacbanka.

Razam z tym, havorycca ŭ manitorynhu, u krasaviku «aznačylisia peŭnyja pazityŭnyja zruchi, i značeńni bolšaści pakazčykaŭ nablizilisia da ich uzroŭniaŭ adpaviednaha pieryjadu minułaha hoda».

Va ŭmovach uzmacnieńnia žorstkaści ŭmoŭ kredytavańnia i dziejańnia inšych niehatyŭnych faktaraŭ skaračalisia reštki hrašovych srodkaŭ na rachunkach pradpryjemstvaŭ, pamianšalisia ŭłasnyja abarotnyja srodki. Tempy rostu praterminavanaj kredytorskaj i debitorskaj zapazyčanaści ŭ studzieni-krasaviku 2012 hoda skłalisia vyšejšyja, čym za anałahičny pieryjad 2011 hoda.

Tempy rostu vydatkaŭ vytvorčaści ŭ studzieni-krasaviku 2012 hoda zapavolilisia, adnak uzrovień ich byŭ značna vyšejšy za ŭzrovień adpaviednaha pieryjadu 2011 hoda.

Naroŭni z hetym tempy rostu adpusknych cen na pradukcyju ŭ studzieni-krasaviku 2012 hoda byli nižejšyja, čym za taki ž letašni pieryjad.

U studzieni-krasaviku 2012 hoda ŭpłyŭ na haspadarčuju dziejnaść udzielnikaŭ manitorynhu popytu, zabiaśpiečanaści ŭłasnymi abarotnymi srodkami, umoŭ kredytavańnia, ryzyki haspadarčaj dziejnaści, praterminavanaj debitorskaj i kredytorskaj zavinavačanaści byŭ vyšejšy, čym u studzieni-krasaviku minułaha hoda. Razam z tym u krasaviku 2012 hoda pradpryjemstvy — udzielniki manitorynhu adznačyli pasłableńnie ŭpłyvu pryviedzienych faktaraŭ.

Kanjunkturny ahlad składzieny na asnovie apytańnia 1.995 pradpryjemstvaŭ Biełarusi. Acenki źmianieńnia ekanamičnaj kanjunktury pradstavili 297 pradpryjemstvaŭ Bresckaj vobłaści, 260 — Viciebskaj, 267 — Homielskaj, 240 — Hrodzienskaj, 401 pradpryjemstva Minska, 257 pradpryjemstvaŭ Minskaj vobłaści i 273 pradpryjemstvy Mahiloŭskaj vobłaści.

• 0
• 0
• 0
• 0
• 0
• 0
• 0
• 0