Žurnalista «Jeŭraradyjo» Paŭła Śviardłova asudzili na 15 sutak
Ad abieda la ofisa Jeŭraradyjo dziažuryć mikraaŭtobus ź ludźmi ŭ cyvilnym.
Žurnalista Jeŭraradyjo Paŭła Śviardłova, zatrymanaha siońnia ranicaj sud Maskoŭskaha rajona stalicy (sudździa -- Taćciana Matyl) pryhavaryŭ da 15 sutak administracyjnaha aryštu. Žurnalist niby łajaŭsia matam.
Advakata, jaki pryjechaŭ u sud, u zału pasiadžeńniaŭ tak i nie puścili. Na padstavie taho, što žurnalist nibyta admoviŭsia ad jaho pasłuh, choć sam Pavieł napačatku raźbiralnictva sam zapatrabavaŭ prysutnaści advakata ŭ sudzie. Śviardłova abvinavačvali ŭ łajancy matam.
***
Žurnalista Jeŭraradyjo Paŭła Śviardłova piaciora nieviadomych u cyvilnym zatrymali i biez usialakich tłumačeńniach zakinuli ŭ mikraaŭtobus, a 10 hadzinie ranicy 22 červienia. Dzie jon znachodziŭsia niekalki hadzin paśla zatrymańnia, nie viadoma. Ale, a 14 hadzinie žurnalist zmoh patelefanavać u redakcyju i paviedamić, što znachodzicca ŭ sudzie Maskoŭskaha rajona, dzie jaho buduć sudzić pa artykule 117.1 za «drobnaje chulihanstva».
Miž tym, ad abieda la ofisa Jeŭraradyjo dziažuryć mikraaŭtobus ź ludźmi ŭ cyvilnym, vielmi padobny da taho, na jakim nieviadomyja zabirali Paŭła Śviardłova.
Jak paviedamiŭ NN hałoŭny redaktar Jeŭraradyjo Vital Zybluk, pieraškodaŭ žurnalistam ludzi ŭ cyvilnym pakul nie čyniać. «Niadaŭna Jeŭraradyjo rabiła materyjał pra mietro: žurnalisty ź vialikaj sumkaj prajšli maršrutam Kanavałava. I nichto ich nivodnaha razu nie spyniŭ. Mahčyma, zatrymańnie Śviardłova — sproba pomsty za hety artykuł», — vykazaŭ svaju viersiju zdareńnia V.Zybluk.
Kamientary