U biełaruskim Ministerstvie zamiežnych spraŭ 9 lipienia prakamientavali rezalucyju Parłamienckaj asamblei ABSIE pa Biełarusi, pryniatuju dva dni tamu na štohadovaj siesii hetaj arhanizacyi ŭ Manaka.
«U hetaj rezalucyi my nie ŭbačyli ničoha novaha. Heta šarahovy vypadak. Takija rezalucyi prymajucca, i nie tolki pa Biełarusi», — zajaviła namieśnik načalnika ŭpraŭleńnia infarmacyi — načalnik adździeła
Jana ŭpeŭnienaja, što Biełaruś jość i budzie paŭnapraŭnym udzielnikam ABSIE, jaki adkazna padychodzić da vykanańnia pryniatych na siabie abaviazacielstvaŭ.
«Jak vy viedajecie, na parłamienckija vybary ŭžo zaprošany mižnarodnyja naziralniki ad ABSIE, uklučajučy naziralnikaŭ ad Parłamienckaj asamblei hetaj arhanizacyi», — adznačyła pradstaŭnik biełaruskaha MZS.
Pry hetym jana vykazała mierkavańnie, što «bolš detalova zhadanuju rezalucyju moža prakamientavać delehacyja Nacyjanalnaha schodu ŭ PA ABSIE, jakaja viartajecca z Manaka».
***
Nahadajem, 7 lipienia PA ABSIE zaklikała Biełaruś nieadkładna i biez papiarednich umoŭ vyzvalić i apraŭdać usich palityčnych źniavolenych. U dakumiencie pieraličvajucca palitźniavolenyja (Ihar Alinievič, Mikałaj Statkievič, Pavieł Sieviaryniec, Aleś Bialacki, Siarhiej Kavalenka, Dźmitryj Daškievič, Mikałaj Aŭtuchovič, Eduard Łobaŭ, Mikałaj Dziadok, Alaksandr Franckievič, Pavieł Syramiataŭ, Arciom Prakapienka, Jaŭhien Vaśkovič) i ŭtrymlivajecca patrabavańnie da biełaruskich uładaŭ harantavać poŭnaje adnaŭleńnie ich u hramadzianskich i palityčnych pravach.
PA ABSIE nastojliva zaklikaje ŭłady Biełarusi «admianić damašni aryšt, nakładzieny na adpuščanych z turmaŭ palityčnych źniavolenych, uklučajučy Irynu Chalip, Uładzimira Niaklajeva i inšych».
Akramia taho, aficyjny Minsk zaklikajuć pavažać svabodu pieramiaščeńnia svaich hramadzian, uklučajučy palityčnych aktyvistaŭ, u Biełarusi i za miažoj, a taksama pakłaści kaniec ucisku i pieraśledu hramadzianskaj supolnaści, prafsajuzaŭ, niezaležnych ŚMI i pravaabaroncaŭ.
PA ABSIE prapanuje biełaruskim uładam viarnucca da razhladu zajavak ab rehistracyi partyi «Biełaruskaja chryścijanskaja demakratyja» i niaŭradavaj pravaabarončaj arhanizacyi «Viasna», jakim było nieadnarazova admoŭlena ŭ rehistracyi «biez naležnych padstaŭ».
Asambleja zaklikaje Minsk vykanać rekamiendacyi Mižnarodnaj arhanizacyi pracy adnosna prafsajuzaŭ.
PA ABSIE vykazvaje nadzieju na «vykanańnie Biełaruśsiu svaich abaviazacielstvaŭ u ramkach ABSIE, uklučajučy Kapienhahienski dakumient 1990 hoda, asabliva adnosna parłamienckich vybaraŭ, i svoječasovaje nakiravańnie zaprašeńnia mižnarodnym naziralnikam dla bieśpieraškodnaha adsočvańnia ŭsiaho vybarčaha pracesu».
U rezalucyi ŭtrymlivajecca zaklik admianić pryhavory i vyłučanyja abvinavačańni suprać žurnalistaŭ u suviazi ź ich prafiesijnaj dziejnaściu i dazvolić nieabmiežavanaje hramadskaje abmierkavańnie klučavych hramadskich i palityčnych prablem.
PA ABSIE rekamienduje Mižnarodnaj fiederacyi chakieja z šajbaj prypynić vykanańnie svajho płana praviadzieńnia čempijanatu śvietu ŭ 2014 hodzie ŭ Minsku da vyzvaleńnia ŭsich palitźniavolenych.
Akramia taho, PA ABSIE zaklikaje pravieści mižnarodnaje rasśledavańnie pa pytańni abychodžańnia z palitźniavolenymi ŭ turmach Biełarusi, uklučajučy śćviardžeńni ab katavańniach takich byłych źniavolenych, jak Aleś Michalevič.
PA ABSIE asudžaje pakarańnie Uładzisłava Kavalova i Dźmitryja Kanavałava, abvinavačanych u arhanizacyi terakta ŭ minskim mietro i pryhavoranych «u vyniku suda, jaki nie adpaviadaŭ
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary