Biełstat: Siaredni zarobak u Minsku — 578 dalaraŭ
Siaredniaja zarabotnaja płata ŭ Minsku ŭ červieni hetaha hoda dasiahnuła 4 młn 807,7 tys. rubloŭ, paviedamlaje BiełTA sa spasyłkaj na Nacyjanalny statystyčny kamitet. Heta prykładna — 578 dalaraŭ u ekvivalencie.
Na druhoj pazicyi, pavodle Biełstata,- Minskaja vobłaść (3 młn. 740,7 tys. — 450 dalaraŭ), na treciaj — Homielskaja (Vr3 młn. 603,2 tys. -- 434 dalary). Červieński siaredni zarobak u Mahiloŭskaj vobłaści byŭ roŭny Br3 młn. 450,5 tys. (416 dalaraŭ), u Viciebskaj — Br3 młn. 438,8 tys. (414 dalaraŭ), u Hrodzienskaj — Br3 młn. 366,5 tys. (405 dalaraŭ), u Bresckaj vobłaści — Vr3 młn. 243,5 tys (390 dalaraŭ).
Jak adznačyli ŭ Biełstacie, samaja vysokaja siaredniaja zarabotnaja płata ŭ červieni zafiksavanaja pa takich vidach ekanamičnaj dziejnaści, jak dziejnaść, źviazanaja z vyličalnaj technikaj, — Br9 młn. 993,2 tys., vytvorčaść koksu, naftapraduktaŭ i jadziernych materyjałaŭ — Br8 młn. 304, 4 tys., pavietrany transpart — Br7 młn. 172,7 tys.
***
Nahadajem, što ŭčora Nacyjanalny statystyčny kamitet paviedamiŭ, što ŭ červieni naličany siaredni zarobak «brudnymi» skłaŭ 3 młn 752 tys. 118 rubloŭ (452 dalary ŭ ekvivalencie).
Łukašenka, u svaju čarhu, prymajučy z dakładam premjer-ministra Michaiła Miaśnikoviča, skazaŭ, što siaredni zarobak pavinien być minimum $500 u ekvivalencie.
«Chacieŭ by pačuć, što z zarabotnaj płataj. Treba ludziej usio ž taki padciahnuć da $500, a dalej jany, majučy ŭžo niejkuju padušku biaśpieki (usio ž taki heta narmalny zarobak), buduć sami zarablać hrošy, i nam možna dystancyjavacca ad taho, kab źvierchu nahniatać situacyju z zarobkam. Ale siaredniaja zarpłata ŭ $500 — heta samy minimum, jaki pavinien być u našaj krainie».
Miaśnikovič ža zaznačyŭ, što siaredni zarobak pavyšajecca bolš chutkimi tempami, čym płanavałasia.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary