Aktavaja zala Navučalna‑trenirovačnaha centru, dzie stajali vosiem začynienych trunaŭ z členami ekipažu, była pierapoŭnienaja.
Aktavaja zala Navučalna‑trenirovačnaha centru, dzie stajali vosiem začynienych trunaŭ z členami ekipažu, była pierapoŭnienaja.
Ludzi raźvitvalisia z kamandziram Iharam Vaškievičam (1962 h.n), avijatechnikami Aleham Bandaronkam, (1962 h.n), Źmitrom Nośnikavym (1984 h.n) i Arciomam Syčuhovym (1983 h.n), bortinžyneram Ivanam Habam (1952 h.n), bortradystam Aleham Kanunikavym (1964 h.n), bortaperataram Iharam Hresiem (1975 h.n), inžyneram Michaiłam Bahłovym (1944 h.n).
Kala trunaŭ, uścielenych kvietkami i žałobnymi viankami, hałasili žančyny — blizkija zahinułych. Da dački kamandzira ekipažu, jakaja, nie ŭstajučy, lažała na vieku truny, padychodziła lekarka. Adnak dziaŭčyna ad dapamohi admoviłasia.
Ludzi, što pryjšli na panichidu, toŭpilisia i ŭ chole. Čarha vychodziła na vulicu. U sam NTC zapuskali nievialikim hrupami, prykładna pa piać čałaviek. Siarod tych, chto pryjšoŭ raźvitacca z zahinułymi, było ŭsio kiraŭnictva byłoha Kamitetu pa avijacyi, pradstaŭniki kampanii «Transavijaekspart», «Biełavija», piloty ŭ adstaŭcy.
Prykładna a 13:30 truny ź ciełami ekipažu Ił‑76 pavieźli na Ŭschodnija mohiłki. Ich pachavali na adnym učastku.
Jak paviedamiła Radyjo Svaboda, siońnia ŭ Viciebsku raźvitvajucca z astatnimi členami ekipažu. Na haradzkich mohiłkach «Mazuryna» pachavajuć pamočnika kamandzira Alaksandra Hamańkova (1966 h.n), šturmana Hienadzia Traškova (1960 h.n), staršaha bortaperatara Alaksandra Ziernina (1975).
Nahadajem, 23 sakavika samalot Ił‑76 EW‑78849, što naležyć RUP «Avijakampanija «Transavijaekspart» i jaki vyvoziŭ z Samali abstalavańnie, demantavanaje z paciarpiełaha katastrofu 9 sakavika inšaha biełaruskaha samalota Ił‑76, byŭ źbity bajevikami pad Mahadyša. Usie 11 hramadzian Biełarusi, što znachodzilisia na borcie, zahinuli.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary