«Hety mietad viadzieńnia vajny zaklikany dušyć duch i pryhniatać psichiku supiernika», — miarkujuć vajennyja ekśpierty.
Zapatentavana zbroja, syravinaj dla jakoj mohuć słužyć adkidy žyćciadziejnaści tankistaŭ, piša ŭ aŭtorak u haziecie The Guardian Mark Abrachams — arhanizatar Šnobieleŭskaj premii i vydaviec časopisa Annals of Improbable Research.
U publikacyi pryviedzieny čarciož tanka ŭ razrezie i pakazana schiema strełu.
Tłumačycca, što bajcy, nie vychodziačy z tanka, prosta padčas bitvy pavinny sabrać svaje bijałahičnyja adkidy, źmiašać ich z vybuchoŭkaj, spakavać u snarady i abstralać voraha.
Niezvyčajny vid zbroi vynajšaŭ pieciarburžac Alaksandr Siamionaŭ. U 2009 h. jon atrymaŭ u Rasii patent na svajo vynachodnictva. Aficyjna zbroja nazyvajecca «Vydaleńnie bijaadkidaŭ ź izalavanaha žyłoha adsieku vajennaha abjekta i jaho realizacyja».
Klučavaja fraza ŭ apisańni vynachodki, na dumku žurnalista haziety, takaja: «Zbroja zaradžajecca admysłovymi snaradami ŭ zonie biaśpieki abo pablizu pryvabnych dla paražeńnia varožych metaŭ».
Biassprečnaj pieravahaj novaj zbroi źjaŭlajecca zdolnaść z dapamohaj jaje vykarystańnia prybirać z tanka adkidy, jakija dajuć niepryjemny pach, asabliva va ŭmovach, kali ŭsiaredzinie bajavoj mašyny sałdatam davodzicca znachodzicca pa niekalki dzion.
Snarad vylataje z tanka i pluchajecca prosta na voraha. «Hety mietad viadzieńnia vajny zaklikany dušyć duch i pryhniatać psichiku supiernika», — cytuje aŭtara materyjału InoPressa.
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary