«Гэты метад вядзення вайны закліканы душыць дух і прыгнятаць псіхіку суперніка», — мяркуюць ваенныя эксперты.
Запатэнтавана зброя, сыравінай для якой могуць служыць адкіды жыццядзейнасці танкістаў, піша ў аўторак у газеце The Guardian Марк Абрахамс — арганізатар Шнобелеўскай прэміі і выдавец часопіса Annals of Improbable Research.
У публікацыі прыведзены чарцёж танка ў разрэзе і паказана схема стрэлу.
Тлумачыцца, што байцы, не выходзячы з танка, проста падчас бітвы павінны сабраць свае біялагічныя адкіды, змяшаць іх з выбухоўкай, спакаваць у снарады і абстраляць ворага.
Незвычайны від зброі вынайшаў пецярбуржац Аляксандр Сямёнаў. У 2009 г. ён атрымаў у Расіі патэнт на сваё вынаходніцтва. Афіцыйна зброя называецца «Выдаленне біяадкідаў з ізаляванага жылога адсеку ваеннага аб’екта і яго рэалізацыя».
Ключавая фраза ў апісанні вынаходкі, на думку журналіста газеты, такая: «Зброя зараджаецца адмысловымі снарадамі ў зоне бяспекі або паблізу прывабных для паражэння варожых мэтаў».
Бясспрэчнай перавагай новай зброі з’яўляецца здольнасць з дапамогай яе выкарыстання прыбіраць з танка адкіды, якія даюць непрыемны пах, асабліва ва ўмовах, калі ўсярэдзіне баявой машыны салдатам даводзіцца знаходзіцца па некалькі дзён.
Снарад вылятае з танка і плюхаецца проста на ворага. «Гэты метад вядзення вайны закліканы душыць дух і прыгнятаць псіхіку суперніка», — цытуе аўтара матэрыялу InoPressa.
Цяпер чытаюць
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары