Vajennasłužačyja ačapleńnia papiaredzili mužčynu ab praviadzieńni strelbaŭ, adnak jon usio adno pajšoŭ na palihon.
Upraŭleńnie Śledčaha kamiteta pa Hrodzienskaj vobłaści 12 vieraśnia raspačała spravu pa fakcie pryčynieńnia śmierci pa nieaściarožnaści pavodle č. 1 art. 144 Kryminalnaha kodeksa ŭ suviazi z hibiellu žychara Smarhoni 1952 hoda naradžeńnia.
Jak paviedamiŭ aficyjny pradstaŭnik USK pa Hrodzienskaj vobłaści Siarhiej Šaršanievič, 11 vieraśnia pra nieviadomaje źniknieńnie mužčyny, jaki źbiraŭ u lesie hryby, paviedamiła žonka. Paśla hetaha Smarhonski RAUS sumiesna z supracoŭnikami orhanaŭ pahraničnaj słužby arhanizavaŭ pošuk.
Trup mužčyny byŭ vyjaŭleny 12 vieraśnia ŭ lasnym masivie niepadalok ad vajskovaha strelbišča vučebnaha centra Instytuta pahraničnaj słužby, na jakim 11 vieraśnia prachodzili vučebnyja strelby z roznych vidaŭ zbroi.
Padčas rasśledavańnia kryminalnaj spravy vyśvietliłasia, što
vajennasłužačyja ačapleńnia papiaredzili mužčynu ab praviadzieńni strelbaŭ, adnak jon usio adno pajšoŭ na palihon.
Z metaj vyśviatleńnia ŭsich akaličnaściaŭ trahiedyi śledčyja praviali ahlad miesca zdareńnia, dapytvajucca asoby, pakazańni jakich važnyja dla ŭstanaŭleńnia praŭdy. Pryznačany šerah ekśpiertyz. Ź cieła zahinułaha sudovyja miedyki vyniali dva mietaličnyja askołki bojeprypasaŭ.
Viačasłaŭ Budkievič, BiełaPAN.
Ciapier čytajuć
Znojdziena cieła supracoŭnicy viciebskaj chimii — jaje šukali dva z pałovaj hady1
Kamientary