Takoje rašeńnie pryniaŭ siońnia mazyrski sud, jaki ciahnuŭsia 10 chvilin.
Lidar mižnarodnaj arhanizacyi «Małady front» (Čechija) Źmicier Daškievič praciahnie adbyvać pakarańnie ŭ krytaj turmie, paviedamiła jaho niaviesta Nasta Pałažanka. Takoje rašeńnie pryniaŭ 30 kastryčnik mazyrski sud na vyjaznym pasiadžeńni ŭ papraŭčaj kałonii № 20 Mazyra (Homielskaja vobłaść), dzie da siońniašniaha dnia ŭtrymlivaŭsia apazicyjny palityk.
U jakuju z turmaŭ budzie etapavany Daškievič, pakul nie viadoma. Pa słovach Pałažanki, heta moža być albo žodzinskaja, albo hrodzienskaja turma, dzie jon budzie znachodzicca da kanca terminu (kaniec žniŭnia 2013 hoda). Krytaja turma, patłumačyła Anastasija, praduhledžvaje bolš žorstkija praviły ŭtrymańnia.
Jak paviedamiła Pałažanka, siońniašni
sud doŭžyŭsia 10 chvilin. Advakat Daškieviča na sudzie nie prysutničaŭ,pakolki, pa słovach Anastasii, Daškievič ličyć, što abaronca ŭsio roŭna nie zmoh by paŭpłyvać na zychod pracesu.
Uzmacnieńnie žorstkaści ŭmoŭ utrymańnia Daškieviča śviedčyć ab tym, što ŭłady praciahvajuć cisk na lidara «Maładoha frontu»,ličyć Pałažanka. Akramia ŭzmacnieńnia cisku na palityka
heta jašče bolš izaluje jaho ad źniešniaha śvietu, adznačyła Nasta.
Jak doŭha budzie doŭžycca etap, Pałažanka nie viedaje. U bližejšyja dni jana razam z advakatam budzie źviazvacca z turmami ŭ Hrodnie i Žodzinie, vyśviatlać los Daškieviča.
Źmicier Daškievič i aktyvist «Maładoha frontu» Eduard Łobaŭ byli zatrymanyja ŭ Minsku napiaredadni apošnich vybaraŭ prezidenta, 18 śniežnia 2010 hoda, pa abvinavačvańni ŭ źbićci dvuch mužčyn.Pradstaŭniki apazicyi i pravaabaroncy rascanili ich aryšt jak previentyŭnuju mieru pa «začystcy» hramadstva pierad vybarami. U sakaviku 2011 hoda sud pryznaŭ Daškieviča vinavatym, prysudziŭšy jaho da dvuch hadoŭ pazbaŭleńnia voli ŭ kałonii ahulnaha režymu.
Mižnarodnyja pravaabarončyja arhanizacyi pryznali Daškieviča palityčnym źniavolenym.
Pieršapačatkova lidar «Maładoha frontu» adbyvaŭ pakarańnie ŭ kałonii ŭ Horkach (Mahiloŭskaja vobłaść), zatym jaho pieraviali ŭ Hłybokaje (Viciebskaja vobłaść). 28 žniŭnia Hłybocki rajonny sud na zakrytym vyjaznym pasiadžeńni ŭ kałonii pryznaŭ Daškieviča vinavatym u złosnym niepadparadkavańni patrabavańniam administracyi kałonii i prysudziŭ jaho da hoda pazbaŭleńnia voli. U termin pakarańnia ŭklučany čatyry miesiacy, jakija apazicyjanieru zastavałasia adbyć u kałonii pa pieršaj kryminalnaj spravie.
U mazyrskuju kałoniju palitviazień pastupiŭ 19 vieraśnia, aPaśla pieravodu 4 kastryčnika ŭ pamiaškańnie kamiernaha typu Daškievič spyniŭ haładoŭku, patłumačyŭšy heta tym, što staŭleńnie administracyi kałonii da jaho «kardynalna źmianiłasia ŭ lepšy bok».21-ha — abviaściŭ haładoŭku ŭ suviazi z «niečałaviečym pavodzinami administracyi kałonii, u tym liku jaje načalnika Juryja Zbaroŭskaha».
Ciapier čytajuć
Na abiedzie Łukašenki i Si Czińpina prysutničała i adzinaja dačka kitajskaha lidara8
Kamientary