Upraŭleńnie «K» šukaje chakieraŭ, jakija «kraduć» čarhu ŭ polskaje konsulstva
Kiraŭnik «Upraŭleńnia «K» raspavioŭ, što pieraškadžaje złavić za ruku złamyśnikaŭ, jakija zarablajuć na nielehalnym afarmleńni «polskich» «šenhienaŭ».
Na
Jak ź imi možna spravicca, i ci dapamahajuć u hetym biełaruskija śpiecyjalisty z «Upraŭleńnia"K», Jeŭraradyjo raspaviadaje kiraŭnik upraŭleńnia pa raskryćci złačynstvaŭ u halinie vysokich technałohij MUS Ihar Čarnienka.
Ambasadar Polščy Lešak Šarepka vinavacić u prablemach z elektronnaj rehistracyjaj vizavych ankiet niejki tajemny «skrypt». Jon sapraŭdy taki strašny?
Ihar Čarnienka:
Ja mahu skazać adno: my zacikaŭlenyja nie mienš za polski bok u naviadzieńni paradku. My zacikaŭlenyja, kab našy hramadzianie biez prablem mahli atrymlivać vizy i jeździć tudy, kudy im treba.I ŭ toj ža čas, my zajmajemsia vyśviatleńniem asob, jakija takim voś čynam zajmajucca hetym «biaźmiežžam». Tam, dzie budzie skład złačynstva — budzie skład złačynstva. I heta nie abaviazkova pavinien być skład złačynstva suprać infarmacyjnaj biaśpieki.
Ale ludzi pavinny viedać: tyja, chto akazvaje hetyja tak zvanyja pasłuhi, nie źjaŭlajučysia indyvidualnymi pradprymalnikami, i jakija nie majuć adpaviednych damoŭ z turystyčnymi firmami, a kali, hruba kažučy, znajšoŭ u internecie hety skrypt, zapuściŭ i ździraje pa 400 dołaraŭ, to pry vyjaŭleńni jon budzie pryciahnuty da adkaznaści za niezakonnuju pradprymalnickuju dziejnaść! A heta — taksama nie słaba.
Vy zajmajeciesia hetaj prablemaj pa ŭłasnaj inicyjatyvie?
Ihar Čarnienka: My pačali hetym zajmacca pa svajoj inicyjatyvie. Z traŭnia, jak tolki pajšła hetaja infarmacyja. Vychodzili na polskuju ambasadu — nam była pradstaŭlenaja peŭnaja infarmacyja. I ciapier my ŭzajemadziejničajem z polskimi pravaachoŭnymi orhanami pa atrymańni toj infarmacyi, jakaja moža pryvieści da vyjaŭleńnia złamyśnikaŭ.
Pad jaki artykuł traplajuć takija «žartački» z elektronnaj rehistracyjaj?
Ihar Čarnienka: U tym vypadku, kali čałaviek atrymlivaje hrošy za hetyja dziejańni ad inšaha čałavieka, heta stanovicca jaho dziejnaściu, i jon nie płacić padatki, nie źjaŭlajučysia pradprymalnikam — u hetym vypadku jość skład złačynstva — niezakonnaja pradprymalnickaja dziejnaść.
Heta nie traplaje pad prykmiety złačynstva suprać infarmacyjnaj biaśpieki.
Takim čynam, vy surjozna zajmajeciesia «polskimi prablemami»?
Ihar Čarnienka: Tak! I tymi, chto na hetym niezakonna nažyvajecca!.. Na žal, polski bok nie moža nam dakładna skazać, kamu i kolki jany dali mahčymaściaŭ, da prykładu — turystyčnym firmam, u sutki rehistravać svaje zajaŭki.
Hety «skrypt» dazvalaje ŭ aŭtamatyčnym režymie, pakul vy budziecie ŭručnuju zapaŭniać ankietu, zabić usie kletki, hruba kažučy, u ankiecie, dadzienaj na polskim sajcie. Tut ničoha, nibyta, supraćzakonnaha niama: sajt nie ŭzłamany, nichto ad hetaha nijakaj škody nie zajmieŭ.Akramia našych hramadzian, jakija vymušanyja pierapłačvać. Ja nie kažu, što ŭ masavym paradku — situacyja źmianiajecca, palaki ŭnieśli niejkija źmieny ŭ svajo prahramnaje zabieśpiačeńnie. Nu, i z našaha boku prymajucca peŭnyja zachady.
I kali hety bardak zakončycca?
Ihar Čarnienka: Kali polski bok adkaža na toj zapyt, jaki my im dasłali. My nakiravali im peŭny šerah pytańniaŭ, na jakija chaciełasia b atrymać adkazy. I našy techničnyja śpiecyjalisty dali im svaje rekamiendacyi: što treba z techničnaha boku dla taho, kab abmiežavać hetuju płyń. Kali nam infarmacyju polski bok daść, to my vyjdziem na złamyśnikaŭ. Kali nie, to tady my, vybačajcie, ničoha zrabić nie zmožam.
U vypadku adkazu — jany nie vydaduć niejkija dypłamatyčnyja tajamnicy?
Ihar Čarnienka: Jakija tajamnicy! Tam — čysta techničnaja infarmacyja, što nie maje pad saboj nijakich palityčnych ci jakich inšych aśpiektaŭ. Heta infarmacyja — techničny składnik, jaki dapamoža nam vyjści na ludziej, jakija takim niezakonnym čynam atrymlivajuć hrošy z našych hramadzian, a sami bahaciejuć.
Jakim čynam hetyja «chakiery» potym pradajuć skradzienyja ankiety.?
Ihar Čarnienka: Jany zahadzia atrymlivajuć infarmacyju pra ludziej, jakim heta treba — vyviešvajuć adpaviednyja abjavy.
U tym liku -kala samoj ambasady. Maŭlaŭ, my aformim vam vizu, atrymlivajuć ad ich pašpartnyja dadzienyja i hrošy atrymlivajuć.I hetyja pašpartnyja dadzienyja skrypt unosić u bazu dadzienych polskaj ambasady — voś i ŭsio!
Vy zanadta šmat chočacie ad mianie daviedacca! My zajmajemsia hetaj prablemaj razam z pravaachoŭnymi orhanami z polskaha boku. Svaich hramadzian my ŭ biadzie nie kidajem!
Nu, choć adnaho «skryptera» ŭziali, jakoha možna było b publična pakarać?
Ihar Čarnienka:
A što vy jamu možacie pradjavić? Toje, što jon skrypt vykarystoŭvaŭ? Nu, i što? A što pradavaŭ… Vy jašče dakažycie, što jon niezakonnuju pradprymalnickuju dziejnaść ažyćciaŭlaŭ!Heta nie tak usio chutka robicca. Što b tam nie kazali, ale dziaržava ŭ nas — pravavaja i pravavych pracedur my prytrymlivajemsia vielmi stroha.
-
Praciahvajecca zbor hrošaj na vakacyi dla dziaciej palitviaźniaŭ. Ale sabrana tolki pałova sumy
-
Biełaruska stamiłasia čakać viartańnia hrošaj za tur i pajšła ŭ sud. Turfirma: Usio navaliłasia, jak śniežny kom
-
KDB pryznaŭ ekstremisckim farmiravańniem «Biełaruskuju analityčnuju majsterniu» Vardamackaha
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ88
Kamientary