Prypyniŭsia vychad “Svobodnych novostiej”
Niezaležnaja presa pieražyvaje najciažejšy peryjad u svajoj historyi
Nia vyjšaŭ čarhovy numar niezaležnaha tydniovika “Svobodnyje novosti”. Pa słovach adnaho z zasnavalnikaŭ hazety Alaksandra Tamkoviča, u sieradu zahad nie drukavać “SN” addaŭ Domu druku ministar infarmacyi Michaił Padhajny.
Jon heta zrabiŭ na prośbu Siarhieja Atroščanki, kiraŭnika pradpryjemstva pa vytvorčaści modnaj bializny “Serž” i adnaho z zasnavalnikaŭ hazety, jaki vyrašyŭ “začynić hazetu z pryčyny stratnaści”. S.Atroščanka zajaviŭ u interviju “Interfaksu”, što hazeta nie akuplaje siabie. 21 žniŭnia ŭviečary z ofisu redakcyi “SN” vynieśli častku abstalavańnia, jakaja naležała Atroščanku. Napiaredadni jon zajaviŭ, što zvalniaje z pasady hałoŭnaha redaktara i blakuje rachunak hazety.
U piatnicu tyražom 15 tys. asobnikaŭ musić vyjści pieršy numar hazety “Obozrievatiel”, jakuju budzie vydavać toj samy Atroščanka. Hetaja hazeta, pavodle čutak, stvarajecca z udziełam rasiejskaha kapitału. “BDH” paviedamiła, što da jaje stvareńnia maje dačynieńnie kiraŭnik ahienctva “Interfaks-Zachad” Viačasłaŭ Ziańkovič. Kanflikt Atroščanki z kalektyvam “SN” u jaho ciahniecca ŭžo daŭno. Tamkovič kaža, što Atroščanka ŭžo nia maje nijakich pravoŭ na “SN”, bo pieradaŭ ich hałoŭnamu redaktaru Alaksandru Ŭlicionku, i miarkuje, što hazeta ŭsio roŭna budzie vychodzić “u tym ci inšym farmacie”.
“SN” vychodziać z 1991 h. U 2002 h. jany atrymali prestyžnuju niamieckuju premiju “Die Zeit”.
Takim čynam, na siońnia z ahulnanacyjanalnych niezaležnych hazet vychodziać tolki “Naša Niva”, “Narodnaja vola”, “Biełorusskaja diełovaja hazieta” i “Zhoda”. Nieŭzabavie adnoviać svoj vychad “Navinki”. Los inšych vydańniaŭ achutvaje tuman niapeŭnaści.
A.T.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary