ekanamičnaja chronika

23 traŭnia 2003 h.

HES-kaskad

Da 2008 h. na Dźvinie zbudujuć kaskad z čatyroch HES. Pieršuju stancyju puściać u 2006 h. Adnačasova Ministerstva enerhietyki ŭziałosia vyvučać dośvied Švecyi, dzie čverć enerhii atrymlivajuć, spalvajučy adkidy drevaapracoŭki.

Lampačkam — zialonaje śviatło

Ad 22 traŭnia Ŭkraina admianiła kvotu na ŭvoz biełaruskich elektralampačak, što dziejničała z žniŭnia 1999 h. Bieraściejski elektralampavy zavod moh pastaŭlać va Ŭkrainu nia bolš za 700 tys. lampačak u hod. Ukrainskaje Ministerstva handlu taksama pahadziłasia nie abkładać biełaruskija fosfarnyja ŭhnajeńni dadatkovym mytam u 28%. Ciapier biełaruski bok zmahajecca za admienu ŭkrainskaha antydempinhavaha myta na zapałki.

Palimiraŭcam dali akcyi

Pracaŭnikam navapołackaha AAT «Palimir» pieradali 0,01% akcyjaŭ pradpryjemstva. Pradavali akcyi na lhotnych umovach — pa canie, na 20% nižejšaj za naminał, što składaje 3300 rubloŭ za akcyju. 99,9% akcyjaŭ atrymaŭ kancern «Biełnaftachim». 4 červienia projdzie pieršy aŭkcyjon, na jaki vystaviać 43,19% akcyjaŭ «Palimiru» i «Naftanu».

BMZ: usio čysta

Biełaruski metalurhičny zavod atrymaŭ mižnarodny i nacyjanalny sertyfikaty systemy kiravańnia navakollem. Sertyfikat dazvolić zavajoŭvać novyja rynki, bo vytvorčaść dy pradukcyja zavodu pryznanyja ekalahična čystymi. Zavod ekspartuje 80% svajoj pradukcyi.

«Traktar» žyvie

Paśla doŭhich pieramovaŭ z pradprymalnikami, administracyja Zavodzkaha rajonu stalicy zhadziłasia adkłaści zakryćcio rynku na stadyjonie «Traktar» da 1 vieraśnia. Čynoŭnikaŭ spałochała pahroza biznesoŭcaŭ vystavić «žyvy ščyt», kali demantaž pracoŭnych kropak pačniecca 19 traŭnia.

Drukarni pašyrajucca

Haradzienskaja abłasnaja drukarnia abjaviła tender na nabyćcio drukarskaj ratacyjnaj mašyny koštam 450 tys. dalaraŭ. Hrošy na jaje vydatkavali ź dziaržaŭnaha dy abłasnoha biudžetaŭ. Sioleta musiać nabyć ratacyjnyja mašyny dla drukarań u Bieraści dy Viciebsku, adnak srodkaŭ chopić tolki na dźvie mašyny.

Suviaź padaražeła

«Biełtelekam» padvysiŭ taryfy na pasłuhi suviazi ŭ siarednim na 20%. Za miascovyja razmovy daviadziecca płacić 5,75 rub. za chvilinu.

Adsiejalisia

15 traŭnia skončyłasia pasiaŭnaja. Sielskahaspadarčyja pradpryjemstvy planujuć sabrać 6,4 młn. tonaŭ zbožža dy 8,5 młn. tonaŭ bulby, dla čaho nabuduć da žniva kala 2 tys. novych kambajnaŭ.

AK

• 0
• 0
• 0
• 0
• 0
• 0
• 0
• 0