Razvod Viačorki i Sieviarynca, jakoha z tryvohaju čakali aktyvisty nacyjanalnaha ruchu, prajšoŭ cicha i intelihientna. Ci pryviadzie jon da novych chaŭrusaŭ?
Usio abyšłosia bieź vialikaha skandału. Pierad pačatkam Pavał Sieviaryniec, razdaŭšy žurnalistam dy ŭdzielnikam sojmu svaju zajavu pra vychad z partyi, syšoŭ z ofisu. I hetym zadaŭ sojmu ton: navat abmierkavańnie zajavy pra toje, što ŭłady raspalvajuć u krainie mižetničnuju varožaść, źviałosia ŭrešcie da Sieviarynca. Prykładami raspalvańnia varožaści ŭ zajavie nazvanyja papiaredžańni Sajuzu palakaŭ u Biełarusi, antysemickija zachady ŭłady (zakryćcio Mižnarodnaha humanitarnaha instytutu pry BDU), vajskovyja vučeńni “Čystaje nieba” (pavodle ich scenaru, kampaktnaja etničnaja mienšynia imkniecca adździalicca ad “Čyrvonaj Respubliki” pad pravakacyjnym upłyvam susiedniaj “Siniaj Respubliki”, pry hetym “sinija” vykarystoŭvajuć zdradu ŭnutranaje apazycyi “čyrvonych”). Sojm u svajoj zajavie adznačyŭ, što vučeńni bačać patencyjnaha praciŭnika ŭ Polščy, Litvie, Łatvii ci Ŭkrainie i adpaviednych etničnych mianšyniach u Biełarusi.
Pravakacyjaj sojm paličyŭ i publikacyju ŭ “Biełorusskoj hazietie” interviju z palitolaham Andrejem Suzdalcavym pra ŭcisk rasiejskaj dyjaspary ŭ Biełarusi. Zarabiŭ i Sieviaryniec, jaki “paddaŭsia na pravakacyju” i dysputavaŭ z Suzdalcavym, kažučy pra “fina-vuhorskija hieny ŭ rasiejcaŭ, praź jakija jany schilnyja da alkahalizmu”.
Poŭny varyjant artykułu hladzicie ŭ hazecie "Naša Niva".
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary