Малады гродзенец прапанаваў сэкс-паслугі. На сустрэчу прыйшла аператыўніца
Няўдачлівага жыгала пакаралі штрафам у 600 тысяч рублёў.
Дзевятнадцацігадовы гродзенец пад выглядам знаёмства «прадаваў» інтымныя паслугі, піша «Перспектива». Перад заключэннем «здзелкі» ён прапаноўваў азнаёміцца з прэйскурантам.
На адным з сайтаў хлопец размяшчаў аб’яву аб тым, што жадае пазнаёміцца з дзяўчынай пэўнага ўзросту.
Калі справа даходзіла да перапіскі, ён адразу ж тлумачыў, для якой менавіта мэты яму трэба знаёмства. І высылаў прэйскурант. Кошты на інтымныя паслугі вар’іраваліся ад 150 тысяч рублёў у залежнасці ад фантазіі і, мабыць, магчымасцяў.У спісе варыянтаў гродзенец прапаноўваў паспрабаваць экстрэмальны сэкс у грамадскіх месцах. Яго ён ацэньваў у 250 тысяч рублёў. Быў прадугледжаны і комплекс паслуг. За выбар менавіта гэтай прапановы належалі бонусы.
Разгарнуць дзейнасць прадпрымальны гродзенец не здолеў — у ролі «кліенткі» выступіла супрацоўніца органаў унутраных спраў. У часе перадачы грошай хлопец і быў затрыманы.Ён прыцягнуты да адміністрацыйнай адказнасці, аштрафаваны на 600 тысяч рублёў. За паўторнае правапарушэнне сума штрафу можа дайсці да 3 млн. рублёў, паведаміў старшы оперупаўнаважаны аддзялення па наркакантролі і супрацьдзеянні гандлю людзьмі Гродзенскага РАУС Дзяніс Габрусевіч.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары