Парламент Кыргызстана прыняў зварот да міжнародных арганізацый аб садзейнічанні ў экстрадыцыі былога прэзідэнта краіны Курманбека Бакіева і яго брата Жаныбека Бакіева.Тэкст будзе накіраваны ў Міжпарламенцкую асамблею СНД, ЕўрАзЭС, парламенцкія асамблеі АДКБ, АБСЕ і Рады Еўропы.
У звароце парламент Кыргызстана «выказвае сур’ёзную заклапочанасць у сувязі з тым, што Беларусь працягвае ўхіляцца ад выканання міжнародных абавязацельстваў па экстрадыцыі Курманбека Бакіева і Жаныбека (Жаныша) Бакіева ў Кыргызстан для адбыцця пакарання».
Дэпутаты парламента Кыргызстана нагадваюць, што раней па лініі праваахоўных органаў, у тым ліку Інтэрпола, неаднаразова накіроўваліся запыты аб іх экстрадыцыі. «Сёння, калі суд прызнаў іх вінаватымі, ёсць усе падставы для іх выдачы Кыргызстану і здзяснення прысуду», — падкрэсліваецца ў звароце.
Нагадаем, Ваенны суд Бішкекскага гарнізона 12 лютага завочна прысудзіў Курманбека Бакіева да 24 гадоў пазбаўлення волі з канфіскацыяй маёмасці, яго брата Жаныша Бакіева — да пажыццёвага зняволення з канфіскацыяй маёмасці.
Курманбек Бакіеў разам з сям’ёй атрымаў прытулак у Беларусі.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?13
Каментары